ەلىمىزدە شەتەلدىكتەرگە ارنالعان تۋريستىك جارنا بەكىتىلدى
ونىڭ ەرەجەلەرى ەل ۇكىمەتىنىڭ قاۋلىسىمەن بەكىتىلدى. ءتيىستى قۇجاتقا سايكەس جارنا جاتاقحانالار، قوناقۇيلەر، قالالار مەن اۋداندارداعى جالعا بەرىلەتىن تۇرعىن جايلاردى قوسپاعاندا، تۋريستەردى ورنالاستىرۋ ورىندارىندا بولعان ءار تاۋلىك ءۇشىن الىنادى، دەپ حابارلايدى Almaty-akshamy.kz
سىرتتان كەلگەن ازاماتتارعا سالىناتىن تولەم تۇرۋ قۇنىنا ەنگىزىلمەيدى. تۋريستىك جارنا كەلەر جىلدىڭ 1 قاڭتارىنان باستاپ 31 جەلتوقساندى قوسا العاندا بولۋ قۇنىنىڭ 0% قۇراماق. ال 2023 جىلدىڭ 1 قاڭتارىنان ونىڭ كولەمى 5% اسپاۋى ءتيىس. ونىڭ مولشەرىن ەسەپتەۋ وتكەن كۇنتىزبەلىك جىلدىڭ وزەكتى ستاتيستيكالىق دەرەكتەرى نەگىزىندە جۇرگىزىلەدى. جارنا تۋريست ەل اۋماعىندا كۇنگە تولماي جايعاسقاننىڭ وزىندە تولىق وتەلەتىن بولادى. ساياحاتشى الىمىن وپەراتورلار ولاردى ورنالاستىرۋ ورىندارىندا تىركەۋ ساتىندە جۇزەگە اسىرادى.
ەسكە سالا كەتەيىك، قاۋلى كەلەسى جىلدىڭ 1 قاڭتارىنان باستاپ قولدانىسقا ەنگىزىلەدى.