ەلىمىزدە جەرگىلىكتى اتقارۋشى ورگانداردىڭ رۇقساتىمەن 13 584 شەتەلدىك ازامات جۇمىس ىستەيدى.
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى aqshamnews.kz.
مينيسترلىكتىڭ مالىمەتىنشە، ەڭبەك ميگرانتتارىنىڭ نەگىزگى شىققان ەلدەرى:
جۇڭگو – 4 945 ادام،
ءۇندىستان – 1 169 ادام،
تۇركيا – 1 165 ادام،
وزبەكستان – 1 056 ادام.
"شەتەل جۇمىس كۇشىن (بۇدان ءارى – شجك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 569 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 2 514 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 4 711 جانە 1 010 ادام. سونداي-اق ماۋسىمدىق جۇمىستارعا 1 217 ادام، ال كورپوراتيۆتىك اۋىستىرۋ اياسىندا 3 563 ادام تارتىلدى."، دەلىنگەن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.
قازىرگى ۋاقىتتا قازاقستاندا شجك پايدالاناتىن 1 744 جۇمىس بەرۋشى بار. ولاردا 377،6 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ 96،5% – ى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 052 ادام، اۋىل، ورمان جانە بالىق شارۋاشىلىعى – 1 296 ادام، وڭدەۋ ونەركاسىبى – 1 281 ادام، تاۋ – كەن ونەركاسىبى جانە كارەرلەردى قازۋ – 1 263 ادام، اكىمشىلىك جانە كومەكشى قىزمەتتەر – 975 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. 2025 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0،2%، 14،8 مىڭ بىرلىك مولشەرىندە بەلگىلەندى.