مەملەكەتكە جالپى سوماسى 523 ميللياردتان استام تەڭگەگە كەلتىرىلگەن زالال وتەلىپ، اكتيۆتەر قايتارىلدى. بۇل تۋرالى اكتيۆتەردى قايتارۋ جونىندەگى كوميسسيانىڭ جۇمىس توبىنىڭ وتىرىسىندا ايتىلدى، دەپ حابارلايدى Almaty-akshamy.kz.
ق ر باس پروكۋراتۋرا باسپا ءسوز قىزمەتىنىڭ مالىمەتىنشە، كۇن تارتىبىنە مۇناي ونىمدەرى، سۇيىتىلعان مۇناي گازى جانە ولاردى تاسىمالداۋ سالاسىنداعى ماسەلەلەر شىعارىلدى.
اتالعان ماسەلەنى ەگجەي-تەگجەيلى تالقىلاۋ ءۇشىن «قازمۇنايگاز» ۇك اق، «قازاقستان تەمىر جولى» ۇك» اق جانە «QazaqGaz» ۇك» اق باسشىلارى شاقىرىلدى.
سونداي-اق كەڭەسكە باسەكەلەستىكتى قورعاۋ جانە دامىتۋ اگەنتتىگىنىڭ، ەنەرگەتيكا مينيسترلىگىنىڭ، يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ، «سامۇرىق-قازىنا» ءۇاق» اق باسشىلىعى قاتىستى.
ەلىمىزدە وتىن-ەنەرگەتيكا كەشەنى مەن كولىك نارىقتارىنىڭ مونوپوليالاندىرىلعانى، بۇل باسەكەلەستەرگە قولجەتىمدىلىكتى شەكتەۋ، سوڭعى ونىمگە جوعارى مارجانى بەلگىلەۋ جانە ارتىق كىرىس الۋعا جاعداي جاسايدى.
وسىعان بايلانىستى كوميسسيا وليگوپوليا سۋبەكتىلەرىنىڭ مونوپوليالىق جاعدايىن بەلگىلەۋگە جانە باسەكەلەستىكتى شەكتەۋگە اكەپ سوققان شەشىمدەرگە تالداۋ جۇرگىزۋدە.
سونداي-اق كۆازيمەملەكەتتىك سەكتورمەن بىرلەسىپ تاۋار نارىقتارىن مونوپولياسىزداندىرۋ، ۇلتتىق كومپانيالار مەن ونىڭ ەنشىلەس قۇرىلىمدارىنىڭ زاڭسىز شىعارىلعان اكتيۆتەرىن قايتارۋ بويىنشا جۇمىس ءىس-قيمىلداردىڭ ءبىرىڭعاي الگوريتمىن پايدالانا وتىرىپ جۇرگىزىلۋدە.