قازاقستاندىقتارعا جاڭا ەسپ بەرىلەدى

ءقازىر مەملەكەتتىك قىزمەت الۋ ءۇشىن اۆتوريزاسيا مەن قول قويعاندا ەكى كىلت قولدانىلادى

قازاقستاندا بارلىق مەملەكەتتىك قىزمەت ءۇشىن ءبىرىڭعاي ەلەكتروندى سيفرلىق قولتاڭبا ەنگىزىلەدى، دەپ حابارلايدى اlmaty-akshamy.kz. 

سيفرلىق قولتاڭبانى الۋ، ساقتاۋ جانە پايدالانۋ پروسەدۋراسىن جەڭىلدەتۋ ءۇشىن ەكى كىلتتىڭ ورنىنا ءبىر كىلت بەرۋ تۋرالى شەشىم قابىلدانعان.

«جەكە جانە زاڭدى تۇلعالارعا مەمست الگوريتمى نەگىزىندە ءبىر كىلت بەرىلەدى. ول اۆتوريزاسيالاۋ ءۇشىن دە، قول قويۋ ءۇشىن دە قولدانىلادى»، - دەلىنگەن eGov پورتالىنىڭ Telegram-ارناسىندا.

ياعني نەگىزگى وزگەرىس – اۆتوريزاسيا مەن قول قويۋ ءۇشىن ەكى تىركەۋ كۋالىگىنىڭ ورنىنا ەندى بىرەۋ عانا بەرىلەدى، بۇل سيفرلىق كىلتتەردى باسقارۋ پروسەسىن جەڭىلدەتەدى.

بۇرىن شىعارىلعان ەلەكتروندى سيفرلىق قولتاڭبالار جارامدىلىق مەرزىمى اياقتالعانعا دەيىن جارامدى بولادى.

ەلەكتروندى قولتاڭبانىڭ جاڭا گوست 2015 ستاندارتىن ءموبيلدى قوسىمشادا پايدالانۋ ءۇشىن eGov Mobile قوسىمشاسىن جاڭارتساڭىز جەتكىلىكتى.

سونداي-اق زاڭدى تۇلعالاردىڭ پايدالانۋىنا ارنالعان مىنا ۇلگىلەر دە قولجەتىمدى ۇلگىلەر تىزىمىنەن الىنىپ تاستالدى: «قارجىلىق قۇجاتتارعا قول قويۋ قۇقىعى بار قىزمەتكەر» جانە «كادر ءبولىمىنىڭ قىزمەتكەرى».