قارجى مونيتورينگى اگەنتتىگى ءتوراعاسىنىڭ ورىنباسارى قايرات بيجانوۆ بانك كارتاسىن 500 مىڭ تەڭگەدەن اساتىن سوماعا تولتىرعاندا جىبەرۋشىنىڭ ءجسن-ىن ەنگىزۋ تالابى قوسىلاتىنىن مالىمدەدى، - دەپ حابارلايدى اqshamnews.kz ءتىلشىسى.
بۇل شارا بانكوماتتار ارقىلى قولما-قول اقشا شىعارۋ سحەمالارىن تەجەۋگە باعىتتالعان.
بيجانوۆتىڭ ايتۋىنشا، بانكوماتتاردى زاڭسىز اقشا شەشۋگە پايدالانۋ ءالى دە وزەكتى. جىبەرۋشى مەن الۋشىنى تولىق سايكەستەندىرۋدىڭ بولماۋى انونيم وپەراسيالارعا جول بەرىپ وتىر.
اگەنتتىك ۇسىنعان نەگىزگى شارالار:
-
500 مىڭ تەڭگەدەن كوپ اقشا تولتىرۋدا جىبەرۋشىنىڭ ءجسن-ىن ەنگىزۋ (بۇعان دەيىن تەك الۋشىنىڭ ءجسن-ى تالاپ ەتىلەتىن)؛
-
وپەراسيالاردى ءموبيلدى قوسىمشا نەمەسە SMS ارقىلى قوسىمشا راستاۋ؛
-
2026 جىلعى 1 قاڭتاردان باستاپ بانكوماتتاردىڭ بەينەجازبالارىن كەمىندە 180 كۇن ساقتاۋ (كۇدىكتى وپەراسيا قاتىسۋشىلارىن انىقتاۋ ءۇشىن)؛
-
مۇنداي وپەراسيالاردا بيومەتريا (بەت-الپەتتى/ساۋساق ءىزىن تانۋ) قولدانۋ مۇمكىندىگى.
ونىڭ سوزىنشە، بۇل شەشىمدەر 2025 جىلعى 18 شىلدەدە كومپلاەنس-قىزمەتتەر كەڭەسىندە رەتتەۋشىمەن كەلىسىلگەن. پرەمەر-مينيستر ولجاس بەكتەنوۆ بارلىق ۇسىنىستى قولدايتىنىن ايتتى.
ايتا كەتەيىك، بۇعان دەيىن قازاقستاندا بانك كارتاسىن باسقا بىرەۋگە بەرۋ ءۇشىن قىلمىستىق جاۋاپكەرشىلىك قاراستىرىلاتىنى حابارلانعان.