بۇدان بۇرىن مەملەكەت باسشىسى قاسىم-جومارت توقايەۆتىڭ پرەمەر-مينيستر اسقار ءماميندى قابىلداعانىن حابارلاعانبىز.
پرەزيدەنتكە ساناق ناتيجەسىن بايانداعان اسقار ءماميننىڭ مالىمەتى بويىنشا، قازاقستان حالقىنىڭ ورتاشا جاسى 31،94 جاس دەپ كورسەتىلگەن، دەپ حابارلايدى Almaty-akshamy.kz
قازاقستاندىقتاردىڭ جالپى سانى – 19 169 550 ادامعا جەتكەن. وتانداستارىمىزدىڭ 48،71%ء-ى – ەرلەر، 51،29%ء-ى ايەلدەر.
قازاقستان حالقىنىڭ ورتاشا جاسى 31،94 جاس دەپ كورسەتىلگەن. جالپى حالىقتىڭ 33،97%ء-ى – 17 جاسقا دەيىنگى بالالار، 19،72%ء-ى – 14-28 جاس ارالىعىنداعى جاستار. ەلىمىزدەگى قازاقتاردىڭ ۇلەسى – 70،18%-كە جەتكەن.
حالىقتىڭ 59،05%ء-ى، ياعني 11 320 410 ادام ەڭبەككە جارامدى دەپ تانىلعان.
تاۋەلسىزدىك العان 30 جىل ىشىندە حالىق ساناعى ءۇشىنشى رەت وتكىزىلدى. 1 قىركۇيەكتە باستالعان بيىلعى ساناقتىڭ ەرەكشەلىگى – شارادا العاش رەت سيفرلىق تەحنولوگيالار قولدانىلادى.
ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ونلاين ساۋالنامادان حالىقتىڭ 42،5%ء-ى وتكەنىن، جاپپاي ارالاپ شىعۋ ارقىلى ساناقپەن 57،5% ادام قامتىلعانىن مالىمدەدى.
ونىڭ سوزىنشە، ساناقتىڭ قىسقاشا قورىتىندىسى 2020 جىلدىڭ شىلدەسىندە شىعادى دەپ جوسپارلانعان. 2023 جىلدىڭ ءبىرىنشى توقسانىندا ساناقتىڭ تولىق قورىتىندىسى جاريالانادى.