مەملەكەتتىك كىرىستەر كوميتەتى ازاماتتارعا سالىق قارىزدارىن تولەۋگە كەڭەس بەردى
قازاقستاندىقتاردىڭ مۇلىك سالىعى بويىنشا قارىزى 3،2 ملرد تەڭگەنى قۇرادى، دەپ حابارلايدى Almaty-akshamy.kz ق ر قم مەملەكەتتىك كىرىستەر كوميتەتىنە سىلتەمە جاساپ.
وسىعان وراي مەملەكەتتىك كىرىستەر كوميتەتى جەكە سوت ورىنداۋشىلارىنا الىمدى تولەۋ ەسەبىنەن بورىشتىڭ ۇلعايۋىن بولدىرماۋ جانە بەرەشەكتى ماجبۇرلەپ ءوندىرىپ الۋعا بايلانىستى قولايسىزدىققا تاپ بولماۋ ءۇشىن ازاماتتارعا سالىق قارىزدارىن تولەۋگە كەڭەس بەردى.
«2021 جىلعى 10 ايدىڭ قورىتىندىسى بويىنشا جەكە تۇلعالاردىڭ مەنشىكتەگى جىلجىمايتىن مۇلىك بويىنشا سالىق بەرەشەگىنىڭ سوماسى 3،2 ملرد تەڭگەنى قۇرادى. ونىڭ ىشىندە: مۇلىك سالىعى بويىنشا – 2،9 ملرد تەڭگە (756 مىڭ بورىشكەر)، جەر سالىعى بويىنشا – 0،3 ملرد تەڭگە (159 مىڭ بورىشكەر)»، – دەپ حابارلادى مەملەكەتتىك كىرىستەر كوميتەتى.