ءدىن سالاسىنداعى مەملەكتتىك ساياساتتى قولداۋشىلار ۇلەسى 87،6% قۇراپ وتىر.
قازاقستاندا ارنايى زەرتتەۋ جۇرگىزىلىپ، مەملەكەت ازاماتتارىنىڭ ءدىن ساياساتىنا دەگەن كوزقاراسى انىقتالعان. بۇل زەرتتەۋدىڭ ناتيجەسىندە قازاقستاندىقتاردىڭ 87% استامى وسى ەلدەگى ءدىن سالاسىنداعى ساياساتتى قولدايتىنىن انىقتالعان. بۇل تۋرالى استانادا وتكەن باسپا ءسوز ءماسليحاتى بارىسىندا ق ر اقدم ءدىن ىستەرى كوميتەتىنىڭ ءتوراعاسى ەرجان نۇكەجانوۆ ايتتى، دەپ حابارلايدى Almaty-akshamy.kz.
كوميتەت پاندەميا كەزىندە ينتەرنەت كەڭىستىكتە ءدىني ەكسترەميزمنىڭ الدىن الۋ بويىنشا جۇمىستاردى كۇشەيتۋگە ەرەكشە نازار اۋدارىپ وتىر. اعىمداعى جىلدىڭ ءبىرىنشى جارتىجىلدىعىندا اقپاراتتىق كەڭىستىكتە 62 مىڭنان استام ماتەريال ازىرلەنىپ، جاريالاندى. بۇل، وتكەن جىلمەن سالىستىرعاندا، ەكى ەسە كوپ ناتيجە.
سونىمەن قاتار، جەرگىلىكتى اتقارۋشى ورگاندارمەن جۇرگىزىلگەن كەشەندى جۇمىستاردىڭ ناتيجەسىندە 84 مىڭنان استام ادام الەۋمەتتىك جەلىلەردەگى راديكالدى ناسيحات كوزدەرىنەن شىعارىلعان.
««جۋسان» گۋمانيتارلىق وپەراسياسى اياسىندا تەرروريستىك بەلسەندى ايماقتاردان ورالعان ايەلدەردىڭ 96%-ى راديكالدى كوزقاراستارىنان باس تارتىپ، قوعامعا بەيىمدەلۋى ۆەدومستۆونىڭ اتقارعان جۇيەلى جۇمىستارىنىڭ ماڭىزدى ناتيجەلەرىنىڭ ءبىرى بولىپ وتىر»، – دەلىنگەن اقپارات جانە قوعامدىق دامۋ مينيسترلىگىنىڭ ءباسپسوز قىزمەتىنىڭ حابارلاماسىندا.
سونداي-اق، ەرجان نۇكەجانوۆ ءدىني قىزمەت سالاسىنداعى زاڭنامانى جەتىلدىرۋ جونىندەگى جۇمىستارعا توقتالدى. الداعى ۋاقىتتا كوميتەت تاراپىنان ءدىني بىرلەستىكتەردى تىركەۋ جانە ءدىني راسىمدەردى وتكىزۋ ماسەلەلەرىن وڭتايلاندىرۋدى كوزدەيتىن تۇزەتۋلەر ەنگىزۋ جوسپارلانۋدا.
