وتاندىق ۆاكسينانى سالدىرۋشىلار قاتارى ارتىپ كەلەدى.
ەلىمىزدىڭ ماماندارى ويلاپ تاپقان تەحنولوگيامەن جاسالىپ، جامبىل وبلىسىندا ءوندىرىلىپ جاتقان QazVaس ۆاكسيناسىن بۇگىنگە دەيىن 300 مىڭنان استام قازاقستاندىق الىپ ۇلگەرگەن، دەپ حابارلايدى Almaty-akshamy.kz. سoronavirus2020.kz سايتىنا سىلتەمە جاساپ.
بۇل تۋرالى كوروناۆيرۋس پاندەمياسىمەن كۇرەس جونىندەگى «ەل ءۇشىن ەگىلەمىن» ازاماتتىق شتابىنىڭ Facebook-تەگى پاراقشاسىندا جازىلدى. جازبادا كەلتىرىلگەن مالىمەت بويىنشا، كوروناۆيرۋس پاندەمياسىمەن كۇرەس جونىندەگى «ەل ءۇشىن ەگىلەمىن» ازاماتتىق شتابىنىڭ وكىلدەرى «بيولوگيالىق قاۋىپسىزدىك پروبلەمالارى عىلىمي زەرتتەۋ ينستيتۋتىنىڭ ماماندارىمەن كەزدەسىپ، وتاندىق ۆاكسينا شىعاراتىن «وتاربيوفارم» زاۋىتىنا باس سۇققان.
«ءقازىر زاۋىت جابدىقتى ۆاليداسيالاۋ رەجيمىندە جۇمىس ىستەپ تۇر. قىركۇيەكتە شتاتتىق جۇمىس رەجيمىنە كوشسە، جىل سوڭىنا دەيىن QazVac-تىڭ 2 ملن دوزاسىن شىعارۋ جوسپارلانىپ وتىر»، - دەپ جازىلعان شتاب تاراتقان مالىمەتتە.
شتاب وكىلدەرى ينستيتۋتتىڭ باس ديرەكتورى، بيولوگيا عىلىمدارىنىڭ دوكتورى، ق ر جاراتىلىستانۋ عىلىمدارى اكادەمياسىنىڭ اكادەميگى كۇنسۇلۋ زاكاريانىڭ وتاندىق ۆاكسينانىڭ مۇمكىندىگى تۋرالى ايتقان مالىمەتتەرىن ورتاعا سالىپ وتىر.
«ماماننىڭ ايتۋىنشا، ءقازىر ەلىمىزدە 300 مىڭنان استام قازاقستاندىق QazVac ۆاكسيناسىنىڭ 2 دوزاسىن العان. ازىرگە بىردە-بىر ءولىم وقيعاسى تىركەلمەگەن. بۇل وتاندىق ۆاكسينانىڭ سەنىمدىلىگىنە كەپىلدىك بەرەتىنىن راستايدى»، - دەپ جازىلعان شتابتىڭ اقپاراتىندا.