Premium-اككاۋنت يەلەرى ۆيدەولاردى جارناماسىز كورە الادى.
ەلىمىزدە YouTube Premium ىسكە قوسىلادى، دەپ حابارلايدى اlmaty-akshamy.kz
بۇل تۋرالى سيفرلىق دامۋ ءمينيسترى باعدات مۋسين ءوزىنىڭ فب پاراقشاسىندا جازدى.
«كرەمنيي القابىندا YouTube كومپانياسىنىڭ ءونىمدى باسقارۋ جونىندەگى ۆيسە-پرەزيدەنتى ادام سميتپەن كەلىسسوزدەر جۇرگىزدىم. ىنتىماقتاستىق پەرسپەكتيۆالارى مەن كومپانيانىڭ قازاقستانداعى ءتۇرلى سەرۆيستەرىنە قولجەتىمدىلىكتى كەڭەيتۋ ماسەلەسى تالقىلاندى»، - دەپ جازدى مينيستر.
ايتا كەتەلىك، YouTube وكىلدەرى بيىلعى جىلى قازاقستاندا YouTube Premium ىسكە قوسىلاتىنىن رەسمي تۇردە جاريالادى. بۇل ءبىزدىڭ نارىقتىڭ ءىرى تەحنولوگيالىق كومپانيالار ءۇشىن بارىنشا تارتىمدى بولىپ كەلە جاتقانىنىڭ كورسەتكىشى.
«Premium-گە ءوتۋ مۇمكىندىگى ءبىزدىڭ ەلدە بۇرىن قولجەتىمدى بولماعان YouTube سەرۆيستەرىنە قول جەتكىزۋگە مۇمكىندىك بەرەدى. Premium-اككاۋنت يەلەرى ۆيدەولاردى جارناماسىز كورە الادى جانە ولاردى جۇكتەپ الىپ، ينتەرنەتسىز دە قاراي الادى جانە ت. ب. مۇمكىنشىلىكتەر بار»، - دەپ جازدى مينيستر فەيسبۋك پاراقشاسىندا.