ءبىر جىلدا ءتاتتى ونىمدەردى تۇتىنۋ كورسەتكىشى 2% وسكەن.
ۇستىمىزدەگى جىلى قازاقستاندىقتار ءتاتتى تاعامدار مەن بال جانە شوكولاد تۇتىنۋىن ۇلعايتقان. ءسويتىپ، قازاقستاندا ءتاتتىنى جەۋ كورسەتكىشى ءبىر جىلدا 2،4%-عا وسكەنىن كورسەتىپ وتىر، جان باسىنا شاققاندا ورتاشا ەسەپپەن 11 كگ دەيىن وسكەن، دەپ حابارلايدى Almaty-akshamy.kz Energyprom.kz سىلتەمە جاساپ.
ءتاتتىنى كوپ جەيتىندەردىڭ الدىڭعى قاتارىندا قاراعاندى وبلىسىنىڭ تۇرعىندارى تۇر. ادام باسىنا شاققاندا ورتاشا ەسەپپەن 13،1 كگ بولادى، ياعني ءبىر جىلدا بۇل كورسەتكىش وڭىردە 0،8% جەتكەن.
ءتاتتى جەۋشىلەر اراسىندا قىزىلوردا (12،9 كگ ءتاتتى، پليۋس جىلىنا 5،4%) جانە اقمولا (سونىمەن قاتار 12،9 كگ، ءبىراق مينۋس 4%) وبلىستارىنىڭ تۇرعىندارى بار.
شىمكەنتتىكتەر مامپاسيگە قۇمارلىقتى تانىتىپ وتىرعان جوق: ورتاشا ەسەپپەن توقسانىنا جان باسىنا شاققاندا 7،2 كگ ءونىم - ءبىر جىل بۇرىنعى كورسەتكىشتەن 8،4% از. قوستاناي وبلىسىندا ءتاتتىنى تۇتىنۋدىڭ ايتارلىقتاي ءوسۋى بايقالدى: جىلىنا 16،6%-عا، 11،7 كگ دەيىن؛ تۇتىنۋدىڭ ەڭ تومەندەۋى شىمكەنتتە بايقالدى.
ءتاتتى ونىمدەردىڭ ىشىندە تۇيىرشىكتەلگەن قانتتى تۇتىنۋ كورسەتكىشى تومەندەگەن، جان باسىنا شاققاندا 4 كەلىگە دەيىن 9،7%-عا تىكەلەي تومەندەدى.
سونىمەن قاتار، كونسەرۆىلەر، دجەمدەر مەن مارمەلادتاردى (10،5%-عا، 578 گ دەيىن)، بالدى (10،1%-عا، 241 گ دەيىن)، شوكولادتى (5،9%-عا، 225 گ-عا دەيىن) جانە بالمۇزداقتى ( 0،2%، جان باسىنا 596 گ دەيىن)، بۇل رەتتە تازارتىلعان قانتتى (27،3%-عا، 154 گ دەيىن)، سونداي-اق شوكولادپەن قاپتالعان تاتتىلەردى (1،9%-عا، 873 گ دەيىن) تۇتىنۋ ارتتى.
ءبىر ادامنان تۇراتىن ءۇي شارۋاشىلىقتارىندا اعىمداعى جىلدىڭ ەكىنشى توقسانىندا قانت، كونديتەرلىك ونىمدەر مەن بالدى ورتاشا تۇتىنۋ 19،3 كگ، ەكى ادامعا - 14،9 كگ، ءۇش ادامعا - 11،9 كگ، ءتورت ادامعا - 10، 3 كگ، بەس نەمەسە ودان دا كوپ ادامنان - تەك 8،8 كگ.
انىقتاما ءۇشىن: 2020 جىلى ءار قازاقستاندىق ايىنا ورتاشا ەسەپپەن 3،6 كگ ءتاتتى ءونىم تۇتىندى، بۇل ءبىر جىل بۇرىنعى كورسەتكىشتەن 0،4% -عا از.
اعىمداعى جىلدىڭ تامىز ايىنىڭ سوڭىندا قانت، دجەم، بال، شوكولاد پەن كونديتەرلىك ونىمدەردىڭ باعاسى ايىنا 0،8%-عا جانە جىلىنا 15،8%-عا ءوستى.
وڭىرلەر بويىنشا قارايتىن بولساق، باعانىڭ ءوسۋىن اتىراۋ وبلىسى (جىلىنا 23،3%)، شىمكەنت (22،4%) جانە تۇركىستان وبلىسىنىڭ (22%) تۇرعىندارى قاتتى سەزدى. ال الماتى تۇرعىندارى باعانىڭ وسكەنىن ايتارلىقتاي بايقاماي قالدى دەۋگە بولادى 10،6%.
ءتاتتى ونىمدەردىڭ ىشىندە قانت جىلدىق ديناميكادا تىكەلەي 32،6%-عا، دجەم مەن بال - 9،2%-عا، كونديتەرلىك ونىمدەر - 7،6%-عا، ونىڭ ىشىندە شوكولاد - 8،7%-عا، كارامەل - 7، 4%-عا، شوكولادتى گلازۋرلەنگەن تاتتىلەر 6،4%-عا قىمباتتتادى.
