جىل باسىمەن سالىستىرعاندا تۇتىنۋشىلىق قاجەتتىلىكتەرگە ارنالعان ميكروكرەديتتەردىڭ كولەمى جىل سوڭىنا قاراي كوبەيىپ كەتكەن، دەپ حابارلايدى aqshamnews.kz
قارجى نارىعىن رەتتەۋ جانە دامىتۋ اگەنتتىگىنىڭ (قنردا) مالىمەتىنشە، ميكروكرەديتتەردىڭ كولەمى 1،1 ترلن تەڭگەگە جەتىپ، ءۇشىنشى توقساندا 4،7%-عا، ال جىل باسىنان بەرى 25،6%-عا وسكەن. بۇل ءوسىمنىڭ نەگىزگى بولىگىن ميكروفينانس ۇيىمدارى بەرگەن قارىزدار قامتاماسىز ەتتى – ولاردىڭ ۇلەسى جالپى كولەمنىڭ 77%-ىن قۇرايدى.
سونىمەن بىرگە، ميكروفينانس ۇيىمدارىنىڭ پورتفەلىندە 90 كۇننەن استام كەشىكتىرىلگەن قارىزدار دەڭگەيى (NPL90+) جىل باسىنداعى 3،9%-دان 6،2%-عا دەيىن ءوستى.
حالىق اراسىندا 90 كۇننەن استام مەرزىمى وتكەن ميكروكرەديتتەر ۇلەسى قارىز پورتفەلىنىڭ 10،5%-ىن قۇرايدى (01.01.2024 ج. — 6،5%)، ال بيزنەس پورتفەلىندە بۇل كورسەتكىش 2،0%-عا جەتتى (01.01.2024 ج. — 1،6%)، دەپ ناقتىلادى قنردا.