مامىر ايىندا بەس كۇندىك جۇمىس اپتاسىمەن جۇمىس ىستەيتىن قازاقستاندىقتاردى ۇزاق دەمالىس كۇندەرى كۇتىپ تۇر.
بۇل ايدا ءۇش رەسمي مەرەكە جۇمىس كۇندەرىنە سايكەس كەلەدى، دەپ حابارلايدى aqshamnews.kz Finratings.kz-كە سىلتەمە جاساپ.
مامىر – دەمالىسقا ەڭ باي ايلاردىڭ ءبىرى. بيىل مەرەكەلەردىڭ ەشقايسىسى سەنبى-جەكسەنبىگە تۇسپەيدى جانە ولاردى اۋىستىرۋ دا قاراستىرىلماعان. ياعني، دەمالىس كۇندەرى سول كۇيىندە ساقتالادى.
مەرەكەلىك كۇندەر:
•1 مامىر، بەيسەنبى – قازاقستان حالقىنىڭ بىرلىگى كۇنى؛
•7 مامىر، سارسەنبى – وتان قورعاۋشىلار كۇنى؛
•9 مامىر، جۇما – جەڭىس كۇنى.
وسىلايشا، بەس كۇندىك جۇمىس كەستەسىمەن جۇرگەندەر مامىردا 12 كۇن دەمالادى.
ال التى كۇن جۇمىس ىستەيتىندەر ءۇشىن بۇل ايدا 7 كۇن دەمالىس قاراستىرىلعان.