ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆ كوشى-قون ماسەلەلەرى بويىنشا قازاقستان-لاتۆيا بىرلەسكەن كونسۋلتاسيالارىنا قاتىستى، دەپ حابارلايدى almaty-akshamy.kz
تاراپتار قازاقستان مەن ەۋرووداق اراسىنداعى ۆيزالىق رەجيمدى وڭايلاتۋ، ۆيزاعا قۇجاتتار بەرۋ جانە وسى ۇدەرىستەگى دەلدالداردىڭ ءرولى، لاتۆيادا جۇمىس ىستەيتىن قازاقستان ازاماتتارىنىڭ قۇقىقتارىن قورعاۋ ماسەلەلەرىن قاراستىردى.
ەڭبەك سالاسىنداعى ءوزارا ءىس-قيمىلدى جاقسارتۋ جانە ەكىجاقتى ىنتىماقتاستىق شەڭبەرىندە زاڭدى ەڭبەك كوشى-قونىن قامتاماسىز ەتۋ ماقساتىندا لاتۆيا رەسپۋبليكاسىنداعى قازاقستاندىق ەڭبەكشىلەردىڭ قۇقىقتارىن قورعاۋ جانە ولاردىڭ جۇمىسقا ورنالاسۋى ءۇشىن جاعداي جاساۋعا باعىتتالعان ۇكىمەتارالىق كەلىسىم جاساسۋ ماسەلەلەرى تالقىلاندى. مۇنداي كەلىسىمدى جاساسۋ قازاقستاندىقتارعا لاتۆيادا ەڭبەك قىزمەتىن زاڭدى تۇردە جۇزەگە اسىرۋعا مۇمكىندىك بەرەدى.
تاياۋ ۋاقىتتا ەڭبەكمينىنىڭ كوشى-قون كوميتەتى لاتۆيا تاراپىنا ۇكىمەتارالىق كەلىسىمنىڭ جوباسىن قاراۋعا جىبەرەتىن بولادى.
كوشى-قون ماسەلەلەرى بويىنشا كەلىسسوزدەر مەن كونسۋلتاسيالار جالعاساتىن بولادى.