تەك ءاربىر 4ء-شى قازاقستاندىق (26،5%) سوڭعى ءبىر جىلدا كەمىندە 1 كىتاپ وقىعانىن ايتتى. قالعاندارى وقىمايدى، ويتكەنى وقۋعا ۋاقىتتارى جوق (52%) نەمەسە مۇلدە وقۋدى ۇناتپايدى (21،4%).
بۇل ستاتيستيكامەن كەشە ءماجىلىس دەپۋتاتى اسحات ايماعامبەتوۆ ءوزىنىڭ تelegram الەۋمەتتىك جەلىسىندە ءبولىستى، دەپ حابارلايدى اlmaty-akshamy.kz. دەرەكتەردى قوعامدىق ساياسات ينستيتۋتى ۇسىنعان. زەرتتەۋ 2023 جىلدىڭ قاراشا ايىنىڭ سوڭى – جەلتوقسان ايىنىڭ ورتاسىندا جۇرگىزىلىپتى. ساۋالناماعا 18 جاستان اسقان 8 000 قازاقستاندىق قاتىسقان. ساۋالناما ۇلتتىق رەپرەزەنتاتيۆتى ىرىكتەۋ ارقىلى جۇرگىزىلىپتى.
ورتاشا العاندا، رەسپوندەنتتەردىڭ كىتاپ وقۋى سوڭعى ءبىر جىلدا 5 كىتاپ (26،5%) وقيدى. ەڭ كوپ كىتاپ وقيتىن وڭىرلەر قاتارىنا شىعىس قازاقستان (ورتا ەسەپپەن 10،6 كىتاپ)، سولتۇستىك قازاقستان (6،95) جانە اقمولا (6،34) وبلىستارى كىرگەن. ال ەڭ از كىتاپ وقيتىن جۇرتشىلىق شىمكەنت قالاسىندا (3،8 كىتاپ)، ۇلىتاۋ (3،7 كىتاپ) جانە جەتىسۋ (3،59) وبلىستارىندا تۇرادى ەكەن.
ءبىر قىزىعى ەرلەرگە قاراعاندا ايەلدەر كوبىرەك كىتاپ وقيدى ەكەن. اۋىل تۇرعىندارىنپان گورى قالا تۇرعىندارى كىتاپقا جاقىن ەكەندىگى دالەلدەنگەن. اعا بۋىن وكىلدەرى (61 جاس جانە ودان جوعارى) جىلىنا ورتا ەسەپپەن 6،2 كىتاپ وقيدى.
بىزگە قاراعاندا شەتەلدىكتەر كىتاپ بەتتەرىن كوبىرەك پاراقتايتىنى بايقالعان. ماسەلەن، فرانسيا مەن كانادا تۇرعىندارى جىلىنا 17 كىتاپ (بۇل قازاقستاننان ورتا ەسەپپەن 3،4 ەسە كوپ)، اقش ازاماتتارى - 12 كىتاپ (2،4 ەسە كوپ)، وڭتۇستىك كورەيا ەلىنىڭ ادامدارى - 11 كىتاپ (2،2 ەسە كوپ) وقيدى.
ەسكەرەرلىك ءبىر جايت، ورتالىقتىڭ مالىمەتىنشە، كىتاپ ءوندىرىسىنىڭ 90 پايىزى باسقا ەلدەردە باسىلعان. 2021 جىلدىڭ دەرەكتەرى بويىنشا رەسەيدەن كىتاپ يمپورتىنىڭ كولەمى 14،7 ميلليون دوللاردى قۇراعان.
زەرتتەۋشىلەردىڭ پىكىرىنشە، وقۋ بەلسەندىلىگىنىڭ تومەن بولۋىنىڭ تاعى ءبىر سەبەبى – كىتاپتار مەن كىتاپشالاردىڭ جالپى جانە ورتاشا تارالىمىنىڭ تومەندەۋى. شىققان كىتاپتاردىڭ 80 پايىزدان استامى وقۋلىقتار مەن وقۋ-ادىستەمەلىك قۇرالدار. سونىمەن قاتار، ساۋدا نۇكتەلەرىندەگى كىتاپ ونىمدەرى قۇنىنىڭ قىمباتتىعى اسەر ەتەدى. قازىرگى كەزدە ۇستەمە باعا ءارتۇرلى باعالاۋلار بويىنشا 60%-دان 100%-عا دەيىن جەتەدى.
سوڭعى ءبىر جىلدا قانشا كىتاپ وقىدىڭىز؟