ەڭبەك جانە حالىقتى الەۋمەتتىك قورعاۋ مينيسترلىگى قازاقستاندىقتار ءومىر ءسۇرۋ نەمەسە جۇمىس ىستەۋ ءۇشىن قاي ەلدەرگە ءجيى كەتەتىنىن ايتتى، - دەپ حابارلايدى aqshamnews.kz
كوشى-قون كوميتەتىنىڭ ءتوراعاسى اسەت شونوۆتىڭ ايتۋىنشا، كەيىنگى ەكى جىلدا قازاقستاندا كوشى-قون سالدوسى وڭ كورسەتكىشتى كورسەتىپ وتىر.
"2025 جىلدىڭ II توقسانىنىڭ قورىتىندىسى بويىنشا كوشى-قون سالدوسى +7،7 مىڭ ادام بولدى. ەلگە 11،3 مىڭ ادام كەلسە، 3،5 مىڭ ادام ەلدەن كەتكەن. كوشى-قون ءوسىمى نەگىزىنەن ەلدەر بولىنىسىندە تمد ەلدەرى مەن قىتايعا تيەسىلى. سونىمەن قاتار، جاھاندانۋ ۇدەرىسىنىڭ اسەرىنەن بىلىكتى كادرلاردىڭ كەتۋى ءۇردىسى ءالى دە ساقتالىپ وتىر. قازاقستان ازاماتتارىنىڭ كەتۋىنىڭ نەگىزگى باعىتتارى: رەسەي – 8،7 مىڭ ادام، گەرمانيا – 2 مىڭ ادام"، – دەدى ول.
كوميتەت ءتوراعاسى سىرتقى كوشى-قون اعىندارىنىڭ وڭ سەرپىنگە يە ەكەنىن ايتتى.
"2023 جىلدان باستاپ شەتەلگە جۇمىس ىستەۋ ماقساتىندا كەتەتىن قازاقستان ازاماتتارىنىڭ سانىنىڭ تومەندەگەنى بايقالادى"، – دەدى اسەت شونوۆ.
2025 جىلعى ءبىرىنشى جارتىجىلدىقتىڭ قورىتىندىسى بويىنشا، شەتەلدە ەڭبەك قىزمەتىن جۇزەگە اسىرىپ جۇرگەن قازاقستان رەسپۋبليكاسىنىڭ ازاماتتارى – 126 531 ادام.
قازاقستان ازاماتتارىنىڭ باسىم بولىگى مىنا ەلدەردە ەڭبەك ەتىپ جاتىر:
رەسەي فەدەراسياسىندا – 102 460 ادام،
كورەيا رەسپۋبليكاسىندا – 15 790 ادام،
ءباا – 2 997 ادام،
ۇلىبريتانيادا – 1 912 ادام.