eGov Mobile ءموبيلدى قوسىمشاسىندا ەندى «Qazpost» ونلاين-سەرۆيستەرى قولجەتىمدى. بۇل جاڭالىقتىڭ ارقاسىندا قازاقستاندىقتار شەتەلدىك ماركەتپلەيستەردەن تاۋارلار ساتىپ الىپ، قاجەت بولعان جاعدايدا كەدەندىك قۇجاتتاردى راسىمدەۋگە مۇمكىندىك الادى، دەپ حابارلايدى aqshamnews.kz
«Qazpost» سەرۆيسى حالىقارالىق ساۋدا جاساۋعا مۇمكىندىك بەرەدى، ول الەمنىڭ جەتەكشى پلاتفورمالارىنان، مىسالى، Amazon، AliExpress جانە باسقا سايتتاردان تاۋارلار ساتىپ الۋ مۇمكىندىگىن ۇسىنادى. سەرۆيس ەكى باعىتتى قامتيدى: Keruen — اقش، ەۋروپا جانە قىتايدان جەتكىزۋ جانە Keden — كەدەندىك دەكلاراسيالاۋ»، — دەپ حابارلادى «ۇلتتىق اقپاراتتىق تەحنولوگيالار» كومپانياسى.
Keruen — شەتەلدەن جەتكىزۋ بولىمىندە تاۋاردىڭ قۇنى مەن جەتكىزۋ مەرزىمدەرى كورسەتىلەدى. سونداي-اق، جەتكىزۋ قۇنىن ەسەپتەۋ كالكۋلياتورى، ۇلكەن كولەمدى پوسىلكالاردى ەسەپتەۋگە ارنالعان جانە ءجيى قويىلاتىن سۇراقتار ءبولىمى بار. پايدالانۋشى «قۇرىلعىنى كۇتۋ» باتىرماسىن باسىپ، قاجەتتى مالىمەتتەردى تولتىرىپ، «جىبەرۋ» باتىرماسىن باسۋ ارقىلى كۇتىلەتىن پوسىلكانى قاداعالاۋعا قوسا الادى.