قازاقستانداعى بولشەك دەپوزيتتەر كولەمى 2025 جىلدىڭ قىركۇيەگىندە 21،6 ترلن تەڭگەگە جەتىپ، ءبىر جىلدا 19،9%-عا ءوستى. جالپى دەپوزيتتەر قۇرىلىمىندا حالىقتىڭ سالىمدارى 66،7%-دى قۇرادى.
ەڭ ماڭىزدى وزگەرىستىڭ ءبىرى - تەڭگە سالىمدارىنىڭ ۇلەسى العاش رەت 82%-عا دەيىن كوتەرىلۋى. بىلتىر بۇل كورسەتكىش 80،4% بولسا، بەس جىل بۇرىن - 55،4%، ال 10 جىل بۇرىن نەبارى 19،5% بولعان.
ۇلتتىق ۆاليۋتاداعى سالىمدار ءبىر جىلدا 22،4%-عا ءوسىپ، 17،7 ترلن تەڭگەگە جەتتى. شەتەل ۆاليۋتاسىنداعى دەپوزيتتەر دە ازداپ ءوسىپ، 3،9 ترلن تەڭگەنى قۇرادى (+9،5%).
قاي وڭىرلەردە دەپوزيت كوپ؟
- الماتى - 9 ترلن تەڭگەدەن استام (42%)
- استانا - 2،7 ترلن تەڭگە (12،5%)
- قاراعاندى وبلىسى - 1،2 ترلن تەڭگە
- شىمكەنت - 897 ملرد تەڭگە
- قوستاناي وبلىسى - 894،3 ملرد تەڭگە
ەڭ از سالىم جيناعان وڭىرلەر:
- ۇلىتاۋ وبلىسى - 140،5 ملرد تگ
- الماتى وبلىسى - 202،9 ملرد تگ
- جەتىسۋ وبلىسى - 240،9 ملرد تگ
بارلىق وڭىرلەردە دەپوزيت كولەمى ارتقان. ەڭ ۇلكەن ءوسىم الماتىدا (+1،2 ترلن تگ) جانە استانادا (+618،6 ملرد تگ) تىركەلدى.
قاي ايماقتا تەڭگەگە سەنىم جوعارى؟
- تۇركىستان وبلىسى - 97،1% (رەكورد)
- الماتى وبلىسى - 94،4%
- سولتۇستىك قازاقستان - 93،6%
تەڭگە ۇلەسى 90%-دان اساتىن ايماقتار قاتارىندا: اباي، اقمولا، جامبىل، قىزىلوردا، جەتىسۋ، قوستاناي، شىعىس قازاقستان جانە پاۆلودار وبلىستارى بار.
ەڭ تومەن كورسەتكىشتەر:
- الماتى - 74،2%
- استانا - 79،1%
جالپى، بارلىق وڭىردە ۇلتتىق ۆاليۋتاداعى سالىمنىڭ ۇلەسى وسكەن. تەك باتىس قازاقستان وبلىسىندا بۇل كورسەتكىش ازداپ تومەندەدى (87،3%-دان 86،4%-عا).