قازاقستاندىقتار التىن ساتىپ الىپ جاتىر

3 توننا بولاتىن 87،53 مىڭ التىن قۇيماسى ساتىلعان.

بيىل ناۋرىزدا قازاقستاندىقتار 167،2 كەلى بولاتىن 8،3 مىڭ التىن قۇيماسىن ساتىپ العان، دەپ حابارلايدى Almaty-akshamy.kz Inbusiness.kz سىلتەمە جاساپ.

ساتىلعان قۇيمالار سانى وتكەن جىلدىڭ سايكەس كەزەڭىمەن سالىستىرعاندا 2،9 ەسە، ال سالماعى بىردەن 3،5 ەسە وسكەن. 

قازاقستاندىقتارعا جالپى سالماعى 3 توننا بولاتىن 87،53 مىڭ التىن قۇيماسى ساتىلعان. بىلتىر ەلدە 1،1 توننا بولاتىن 32،3 مىڭ ولشەم قۇيما ساتىپ الىندى.

2017 جىلدان 2021 جىلعا دەيىنگى ورتاشا جىلدىق جيىنتىق ءوسىم قارقىنى – 69%. ولشەم قۇيما كوبىنەسە الماتى، نۇر-سۇلتان جانە اتىراۋدا ساتىلعان.

التىن قۇيمالار 5 تۇردە ۇسىنىلعان: 5، 10، 20، 50 جانە 100 گ. تۇرعىندار كوبىنەسە 10 گ قۇيمانى ساتىپ الادى. 2017 جىلدان باستاپ 2022 جىلعى ناۋرىزعا دەيىنگى ونىڭ ساتىلىمداعى ۇلەسى – 27% نەمەسە 23،4 مىڭ قۇيما. كەيىن تىزىمدە 20 گرامم – 18،2 مىڭ قۇيما (21%)، 100 گرامم – 18 مىڭ قۇيما (20%)، 5 گرامم – 16،8 مىڭ قۇيما (19%)، 50 گرامم – 11،1 مىڭ قۇيما (13%).

ايتا كەتەيىك، 2017 جىلدان بەرى ۇلتتىق بانك اففينيرلەنگەن التىننىڭ سەرتيفيكاتتالعان ولشەم قۇيمالارىن ساتادى. ونداعى ماقسات – قازاقستاندىقتارعا قاراجاتتى ۇنەمدەۋ جانە قوسىمشا ينۆەستيسيالىق قۇرالدى ۇسىنۋ.