قوعامدىق ساياسات ينستيتۋتى 4-5 قىركۇيەك كۇندەرى اەس قۇرىلىسى بويىنشا الداعى رەفەرەندۋم تۋرالى قازاقستاندىقتاردىڭ پىكىرىن ءبىلۋ ءۇشىن ساۋالناما جۇرگىزدى، دەپ حابارلايدى aqshamnews.kz.
ناتيجەلەرى قانداي؟
ساۋالناما كورسەتكەندەي، رەسپوندەنتتەردىڭ 74،6%-ى رەفەرەندۋمنان حاباردار، ال 25،4%-ى بۇل تۋرالى تەك ساۋالناما بارىسىندا عانا بىلگەن. نە دەگەنمەن، كەش بولسا دا، حاباردار بولۋ جاقسى عوي، سولاي ەمەس پە؟
«داۋىس بەرەسىز بە؟» دەگەن سۇراققا 45،5%-ى «ءيا» دەپ ناقتى جاۋاپ بەرسە، تاعى 12،3%-ى «مۇمكىن، بارامىن» دەگەن ءۋاجدى العا تارتقان. ياعني، 57،8%-ى 6 قازاندا ءوز تاڭداۋىن جاساۋعا دايىن.
ال اەس قۇرىلىسى بويىنشا پىكىر قانداي؟ بۇل جەردە اەس-كە قاتىستى كوزقاراستار ەكىگە ءبولىندى: 59،3%-ى بۇل يدەيانى قولداسا، 28،3%-ى قارسى، ال 12،4%-ى ءالى ويلانۋ ۇستىندە ەكەن.
دەگەنمەن، ءبارى بەلسەندى ەمەس: رەسپوندەنتتەردىڭ 9،7%-ى «مۇمكىن بارمايمىن» دەسە، 18،7%-ى رەفەرەندۋمعا مۇلدەم قاتىسپايتىنىن ايتتقان.
ساۋالناما بارلىق تالاپتارعا سايكەس جۇرگىزىلىپ، ەلىمىزدىڭ ءارتۇرلى وڭىرىنەن 2000 ادامنىڭ پىكىرى ەسكەرىلدى. سوندىقتان بىزدە قازاقستاندىقتاردىڭ ماڭىزدى داۋىس بەرۋ قارساڭىنداعى كوڭىل-كۇيلەرى تۋرالى ناقتى تۇسىنىك بار.