10 164 سايلاۋ ۋچاسكەسىندە داۋىس بەرۋ ءوتىپ جاتىر. بۇل تۋرالى ورتالىق سايلاۋ كوميسسياسىنىڭ حاتشىسى مۇحتار ەرمان ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وبلىستىق، استانا، الماتى، شىمكەنت قالالارىنىڭ كوميسسيالارى ۇسىنعان جەدەل دەرەكتەرگە سايكەس، استانا ۋاقىتىمەن ساعات 8.00-دەگى جاعداي بويىنشا بارلىق وڭىردە 10 146 ۋچاسكە داۋىس بەرۋگە كىرىستى. سونداي-اق 17 شەت مەملەكەتتەگى قازاقستان رەسپۋبليكاسىنىڭ شەت مەملەكەتتەردەگى وكىلدىكتەرى جانىنداعى 18 ۋچاسكەدە داۋىس بەرۋ باستالدى. وسىلايشا، قازىرگى ۋاقىتتا داۋىس بەرۋ 10 164 سايلاۋ ۋچاسكەسىندە وتۋدە»، - دەدى مۇحتار ەرمان.
ايتا كەتەرلىگى، ساعات 10.00-دەن باستاپ ءار ەكى ساعات سايىن ورتالىق سايلاۋ كوميسسياسى ازاماتتاردىڭ داۋىس بەرۋىنە قاتىستى دەرەكتەردى جاريالاپ وتىرادى.
بۇعان دەيىن استانا ۋاقىتىمەن ساعات 07.00-دەگى جاعداي بويىنشا وڭىرلەردە 8 272 ۋچاسكە اشىلعانىن جازعان ەدىك. سونداي-اق قازاقستان رەسپۋبليكاسىنىڭ 12 شەت مەملەكەتتەگى 13 ۋچاسكەسىندە داۋىس بەرۋ ءوتىپ جاتىر. ال 92 ۋچاسكەدە اۋماقتىق كوميسسيالاردىڭ كونستيتۋسيالىق زاڭ اياسىندا قابىلدانعان شەشىمدەرىنە سايكەس، داۋىس بەرۋ تاڭعى ساعات 06.00-دە باستالعان بولاتىن.