«ءلىستاپاد» - بەلارۋستەگى كينو سالاسىنىڭ ەڭ ءىرى فەستيۆالدەرىنىڭ ءبىرى.
بيىل فەستيۆال 4-11 قاراشا ارالىعىندا ءوتتى. وعان وتاندىق رەجيسسەر داۋرەن قامىشبايەۆتىڭ «زەرە» تولىقمەتراجدى كارتيناسى قاتىستى، دەپ حابارلايدى Almaty-akshamy.kz.
شاكەن ايمانوۆ اتىنداعى «قازاقفيلم» كينوستۋدياسى تاراتقان مالىمەتكە سەنسەك، حالىقارالىق مينسك كينوفەستيۆالىندە ۇزدىك دىبىستىق (مۋزىكالىق) شەشىم ءۇشىن جۇلدە قازاقستاندىق كومپوزيتور دانا زۋلپىحارعا «زەرە» فيلمىندەگى جۇمىسى ءۇشىن بەرىلدى.
ايتا كەتەيىك، «زەرە» ءفيلمى «قازاقفيلم» كينوستۋدياسى، Qara Production، Libertus Film، cinema D جانە جامبىل وبلىستىق كينو ورتالىعىنىڭ قولداۋىمەن ءتۇسىرىلدى.
«زەرە» - قازاقستاندىقتارعا جاقىن سيۋجەتى بار دراما. ول كۇيەۋىنىڭ قايعىلى قازاسىنان كەيىن قىزىن اۋىلداعى ەڭ باي جانە ىقپالدى ادامعا ايەل رەتىندە ساتپاق بولعان كەزدە اناسىنىڭ ەركىنە قارسى شىققان بوستاندىقتى سۇيەتىن قىز تۋرالى. ءبىراق زەرە تاكاپپار تالاپ ەسىمدى بالىقشى جىگىتكە عاشىق بولىپ، جاسىرىن ۇيلەنۋ ءۇشىن ونىمەن بىرگە قاشىپ كەتەدى.
كينوكارتينادا باستى رولدەردى ادينا باجان، سانۋرجان سۇلەيمەنوۆ، مۇرات بيسەمبين، بەرىك ايتجانوۆ، ولگا لاندينا، ەلجاس راحيم جانە باسقا دا اكتەرلەر سومدادى. ءفيلمنىڭ ءتۇسىرىلىمى بالقاش كولىنىڭ ماڭىندا، مويىنقۇم قۇمدارىنىڭ فونىندا ورنالاسقان تايسويعان بالىق اۋلاۋ ارالىندا ءوتتى.
سونداي-اق قىركۇيەك ايىنىڭ سوڭىندا ماسكەۋدەگى «كينوشوك» فەستيۆالىنىڭ تولىقمەتراجدى فيلمدەر بايقاۋىندا قازاقستاندىق «زەرە» ءفيلمى ۇزدىك مۋزىكا نوميناسياسىن جەڭىپ العان بولاتىن.