قازاقستاندىق دەلەگاسيا وزبەكستان استاناسىندا ءوتىپ جاتقان حالىقارالىق ۆولونتەرلەر فورۋمىنا قاتىسۋدا. بيىل تمد-نىڭ جاستار استاناسى بولعان تاشكەنت ءوز جۇمىسىن وسى ىس-شارامەن قورىتىندىلادى، دەپ حابارلايدى aqshamnews.kz
ءىس-شاراعا ەرىكتىلەر قوزعالىسىنىڭ كوشباسشىلارى، مەملەكەتتىك قۇرىلىمداردىڭ وكىلدەرى، سونداي-اق تمد ەلدەرىنىڭ تالىمگەرلەرى قاتىستى. فورۋم ۆولونتەرلىك مادەنيەتتى دامىتۋعا جانە وڭىردەگى، الەمدەگى ۆولونتەرلەر كۇشىن بىرىكتىرۋگە باعىتتالعان.
فورۋم اياسىندا تمد ەلدەرىندەگى ۆولونتەرلىك قىزمەتكە ارنالعان كورمە ۇيىمداستىرىلدى. سونداي-اق بۇۇ-نىڭ ورتالىق ازياداعى ۆولونتەرلىك قىزمەتكە العاشقى شولۋى جاسالدى.
سونىمەن قاتار، فورۋمعا قاتىسۋشىلار 2024 جىلدى قورىتىندىلاپ، الداعى ىنتىماقتاستىقتى تالقىلادى.
ايتا كەتەيىك، 2025 جىلعى تمد-نىڭ جاستار استاناسى رەتىندە ءازىربايجاننىڭ ەڭ كونە قالالارىنىڭ ءبىرى – گابالا تاڭدالدى.