تايلاندتىڭ ناكحونراچاسيما قالاسىندا ءوتىپ جاتقان ۆولەيبولدان ايەلدەر اراسىنداعى ازيا چەمپيوناتىندا قازاقستان قۇراماسى اۆستراليانى جەڭدى، دەپ حابارلايدى Almaty-akshamy.kz.
بۇل 5-8 ورىندار ءۇشىن پلەي-وفف ساتىسىنداعى كەزدەسۋ بولاتىن. جەڭگەن قۇراما 5، جەڭىلگەنى 7 ورىن ءۇشىن تالاساتىن ەدى.
كەزدەسۋ اسا تارتىستى جاعدايدا ءوتتى. بەس سەتكە سوزىلعان ويىندا قازاقستاندىق ۆولەيبولشىلار قارسىلاسىن 3:2 (25:16، 21:25، 19:25، 25:15، 15:12) ەسەبىمەن تىزە بۇكتىردى.
ەندى ەل قۇراماسى 6 قىركۇيەكتە 5-ورىن ءۇشىن وڭتۇستىك كورەيامەن شەبەرلىك بايقاسادى.
قازاقستاندىق ۆولەيبولشىلار پلەي-وفف ساتىسىندا الدىمەن جاپونياعا 0:3 (13:25، 20:25، 18:25) ەسەبىمەن ەسە جىبەرسە، ءۇندىستاننان 3:0 (25:17، 25:17، 25:21) ەسەبىمەن باسىم ءتۇستى.
ال توپتىق كەزەڭدە قازاقستاندىق ۆولەيبولشىلار D توبىندا سىنعا ءتۇستى. الدىمەن ءفيليپپيندى تاي-برەيكتە 3:2 (25:21، 17:25، 24:26، 27:25، 15:6)، ودان كەيىن گونكونگتى 3:0 (25:16، 25:23، 25:17) ەسەبىمەن سۇرىندىرسە، قىتايدان 0:3 (12:25، 21:25، 10:25 ) ەسەبىمەن جەڭىلدى.
ايتا كەتسەك، قازاقستاندىق ۆولەيبولشىلار ازيا چەمپيوناتىنا 12 مارتە قاتىسىپ وتىر. ازىرگە ەڭ ۇزدىك جەتىستىگى – 2005 جىلى العان كۇمىس مەدال.