گرەكيانىڭ گيدرا ارالىندا 13 قازاقستاندىق تۋريست جالعا الىنعان ياحتادا وتشاشۋ جاساپ، سالدارىنان ورمان ءورتى ورىن الدى.
وقيعا 21 ماۋسىم كۇنى كەشكە اگيوس-نيكولاوس جاعاجايىنىڭ ايماعىندا بولعان، دەپ حابارلايدى Almaty-akshamy.kz.
دەرەكتەرگە سۇيەنسەك، تۋريستەر الدىمەن ياحتانى جالعا الىپ، كەيىن وندا وتشاشۋ ۇيىمداستىرىپ، ونى قۇرلىققا قاراي ۇشىرعان. ناتيجەسىندە قاراعايلى ورماندا ءورت شىقتى.
كەيىن ولار ءورتتى كورىپ، سوندىرۋگە تىرىسقان. الايدا جالىن كۇشتى بولعاندىقتان ءورت ءسوندىرۋ بولىمىنە قوڭىراۋ شالىپ، كەيىن وزدەرى وقيعا ورنىنان كەتىپ قالعان.
گيدرا مەرى دجورگوس كۋكۋداكيستىڭ ايتۋىنشا ءقازىر جالىندى سوندىرۋگە ءورت سوندىرۋشىلەر مەن ەرىكتىلەر قاتىسىپ، اۋادان سۋ شاشاتىن تىكۇشاق جۇمىلدىرىلعان
"ءبىز كەيبىر ادامداردىڭ سونشالىقتى جاۋاپسىز بولىپ، وتشاشۋدى قاراعايلى ورمانعا قاراي شاشقانىنا اشۋلىمىز"، — دەدى ول.
قالا باسشىسى ءورتتى ۇيىمداستىرعان شەتەلدىكتەردى سوتقا بەرۋگە نيەتتى ەكەنىن ايتتى.
كەمەدە تۇتانۋ ساتىنە قاتىسقانداردىڭ بارلىعى، ونىڭ ىشىندە ەكيپاج مۇشەلەرى دە ۇستالدى. ولاردان ۆۋلاگمەني ماڭىنداعى جاعالاۋ كۇزەتىنىڭ ورتالىعىندا جاۋاپ الىنباق.
گيدرا – گرەسيا ءتۋريزمنىڭ نەگىزگى ورتالىقتارىنىڭ ءبىرى. تابيعاتى باي ارالدى قورعاۋ ماقساتىندا مۇندا ءتىپتى موتورلى كولىك جۇرمەيدى.