قازاقستاندىق «توميريس» ءفيلمى مينسك كينوفەستيۆالىندە كورسەتىلەدى

فەستيۆال 26 قاراشاعا دەيىن جالعاسادى

قازاقستاندىق «توميريس» ءفيلمى 27ء-شى «ءلىستاپاد» كينوفەستيۆالىندە كورسەتىلەدى، دەپ حابارلايدى Almaty-akshamy.kz «قازاقفيلمگە» سىلتەمە جاساپ.
شاكەن ايمانوۆ اتىنداعى «قازاقفيلم» كينوستۋدياسى تاراتقان مالىمەتكە سەنسەك، بۇگىن حالىقارالىق مينسك كينوفەستيۆالىنىڭ اشىلۋ سالتاناتى وتەدى.

«ءلىستاپاد» - بەلارۋستەگى كينو سالاسىنىڭ ەڭ ءىرى فەستيۆالدەرىنىڭ ءبىرى. بيىل فەستيۆال 26 قاراشاعا دەيىن جالعاسادى.

«ءلىستاپاد» فەستيۆالىنىڭ كونكۋرستىق باعدارلاماسى ءتورت بولىمنەن تۇرادى: كوركەم فيلمدەر، دەرەكتى فيلمدەر، ۇلتتىق بايقاۋ جانە «لىستاپادزىك» بالالار مەن جاسوسپىرىمدەر اۋديتورياسىنا ارنالعان فيلمدەر بايقاۋى.

ەسكە سالا كەتەيىك، ءبىز بۇعان دەيىن تۇرىك تەلەارناسى «توميريس» ءفيلمىنىڭ جەلىسىمەن سەريال تۇسىرەتىنىن جازعان بولاتىنبىز.

قازاقستان مەن تۇركيا «قازاقفيلم» كينوستۋدياسى Sataifilm كومپانياسىمەن بىرلەسىپ تۇسىرگەن، رەجيسسەر اقان ساتايەۆتىڭ «توميريس» ءفيلمىنىڭ نەگىزىندە بىرلەسكەن تاريحي سەريال شىعارادى.

جوبانى تۇركيانىڭ جەتەكشى تەلەارناسى TRT تەلەراديوكورپوراسياسى جۇزەگە اسىرماق.