الەمنىڭ 190-راكەتكاسى د.ەۆسەيەۆ ىرىكتەۋ سايىستارىنىڭ ءبىرىنشى اينالىمىندا دۇنيەجۇزىلىك رەيتينگتە 306-ورىندا تۇرعان اۋستراليالىق ليۋك سيەۆيلمەن كەزدەستى.
باستاپقى سەتتە اۋستراليالىق تەننيسشى 6:2 ەسەبىمەن باسىم تۇسكەنىمەن، ەۆسەيەۆ تارازى باسىن اۋدارا الدى – 6:1، 6:3. ەكى ساعاتقا جۋىق ۋاقىتقا سوزىلعان تارتىستى ماچتا دەنيس 2 ەيس جاساپ، 14 برەيك-پوينتتىڭ التاۋىن ءوز ەسەبىنە جازدى، دەپ حابارلايدى Almaty-akshamy.kz.
قارسىلاسى 5 ەيس، 5 برەيكپەن (13 برەيك-پوينت) كوزگە ءتۇستى. الەمنىڭ 222-راكەتكاسى تيموفەي سكاتوۆ رەيتينگتە ورنى جوق تاعى ءبىر كورت يەسى حيۋ ۋينتەردى ءبىر ساعاتقا جەتپەيتىن ۋاقىتتا 6:0، 6:2 ەسەبىمەن وڭاي جەڭدى. ول 2 ەيسپەن بىرگە 5 برەيك-پوينتتى تۇگەل پايدالاندى.
دەنيس ەۆسەيەۆ ىرىكتەۋ سايىستارىنىڭ فينالىندا الەمنىڭ 217-راكاتەاسى، بوسنيالىق نەرمان فاتيچپەن، تيموفەي سكاتوۆ رەيتينگتە 1388-ساتىداعى اۋستراليالىق كەيسي حۋلمەن تالاسادى. قارسىلاستارىن جەڭسە، نەگىزگى جارىسقا جولداما الادى. جۇلدە قورى 164 مىڭ اقش دوللارىنا باعالانعان اتالمىش دودا 1-7 قاڭتار ارالىعىندا وتەدى. د.ەۆسەيەۆ پەن ت.سكاتوۆ اۋستراليا اشىق چەمپيوناتىنىڭ ىرىكتەۋ سايىستارىنا قاتىساتىندىقتان، وعان دەيىن دايىندالىپ الۋدىڭ ماڭىزى زور.