قازاقستاندىق تەننيسشى تۋرين ءتۋرنيرىنىڭ جارتىلاي فينالىنا شىقتى

قارسىلاستار كەلمەي قالدى

قازاقستاندىق اندرەي گولۋبيەۆ جۇپتىق سىندا يتاليادا ءوتىپ جاتقان تۋرين چەللەندجەر ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz.

قازاقستاندىق تەننيسشى ۋكراينالىق دەنيس مولچانوۆپەن بىرگە شيرەك فينالدا ارگەنتينالىق سەباستيان باەس – برازيليالىق تياگو ۋايلدپەن كەزدەسۋى كەرەك ەدى.

الايدا قارسىلاستارى كەلمەي قالدى دا، ا.گولۋبيەۆ پەن د.مولچانوۆ ويناماستان جارتىلاي فينالعا جولداما الدى.

سونىمەن قاتار وسى دودادا الەكساندر نەدوۆەسوۆ سەربيالىق نيكولا كاچيچپەن بىرگە باستاپقى باسەكەسىن ءساتتى وتكىزدى. ولار يتاليالىقتار فلاۆيو كوبوللي – دجۋليو زەپپيەريدى 5:7، 7:6 (7:4)، 10:6 ەسەبىمەن تىزە بۇكتىردى، دەپ جازدى قازاقپارات.

جارىستىڭ 4-راكەتكاسى بولىپ تىركەلگەن ا.نەدوۆەسوۆ پەن ن.كاچيچ جارتىلاي فينالعا شىعۋ ءۇشىن رۋمىنيالىق ۆلاد ۆيكتور كورنيا – ۆەنەسۋەلالىق لۋيس-داۆيد مارتينەسپەن تالاسادى.

قوس قازاقستاندىق تەننيسشى الداعى قارسىلاستارىن ۇتسا، فينالدا عانا كەزدەسۋى مۇمكىن.

تاعى ءبىر قازاقستاندىق گريگوريي لوماكين حورۆاتيالىق زۆونيمير بابيچپەن بىرگە پورتۋگاليادا ءوتىپ جاتقان وەيراش چەللەندجەر ءتۋرنيرىنىڭ جارتىلاي فينالىنا شىعا المادى. ولار شيرەك فينالدا پورتۋگاليالىقتار دجەيمي فاريا – ەنريكە روشادان جەڭىلىس تاپتى – 1:6، 4:6.