قازاقستاندىق تەننيسشى تايلاند ءتۋرنيرىن جەڭىسپەن باستادى

قازاقستاندىق دەنيس ەۆسەيەۆ تايلاند چەللەندجەر ءتۋرنيرىن جەڭىسپەن باستادى.

قازاقستان تەننيس فەدەراسياسىنان ءمالىم ەتكەنىندەي، د.ەۆسەيەۆ ATP Challenger Tour جارىسىندا باستاپقى كەزدەسۋىن تايبەيلىك سيۋي يۋيامەن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ءبىرىنشى پارتيا بارىسىندا ءۇشىنشى گەيمدە دەنيس برەيك جاساپ، 2:1 ەسەبىمەن العا شىقتى. بۇدان كەيىن سيۋي ماچتى جالعاستىرۋدان باس تارتتى.

د.ەۆسەيەۆ ەكىنشى اينالىمدا فرانسيالىق كيريان جاكەمەن كورتقا شىعادى. ول تايلاندتىق كاسيديت سامرەيدى تىزە بۇكتىردى – 6:2، 4:6، 6:4.

تايلاندتاعى وسى دودادا تاعى ءبىر قازاقستاندىق بەيبىت جۋكايەۆ العاشقى اينالىمدا ءۇش سەتتە اۋستراليالىق ومار ياسيكاعا جول بەردى – 6:4، 3:6، 3:6.

بۇگىن سونداي-اق بيىلعى «ۇلكەن دۋلىعا» ءتۋرنيرىنىڭ سوڭعىسى – اقش اشىق چەمپيوناتىنىڭ ىرىكتەۋ سايىستارى باستالادى. مۇندا دميتريي پوپكو مەن ميحايل كۋكۋشكين نەگىزگى دوداعا وتۋگە تىرىسىپ كورەدى. د.پوپكو بۇگىن يتاليالىق اندرەا پەللەگرينومەن كۇش سىناسادى. م.كۋكۋشكين ەرتەڭ ارگەنتينالىق نيكولاس كيكەرمەن شەبەرلىك بايقاسادى.