قازاقستاندىق تەننيسشى ليسسابوندا ءتۋرنيردىڭ ءۇشىنشى راكەتكاسىن ۇتتى

ت.سكاتوۆ جارتىلاي فينالعا شىعۋ ءۇشىن الەمنىڭ 165-راكەتكاسى، فرانسيالىق بەنۋا پەرمەن تالاسادى

الەمنىڭ 233-راكەتكاسى، قازاقستاندىق تيموفەي سكاتوۆ ليسسابون (پورتۋگاليا) چەللەندجەر ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق تەننيسشى ەكىنشى اينالىمدا الەمنىڭ 122ء-ىنشى، وسى جارىستىڭ ءۇشىنشى راكەتكاسى، يتاليالىق فرانچەسكو پاسسارومەن كەزدەستى.

ت.سكاتوۆ ءبىرىنشى پارتيادا 6:1 ەسەبىمەن ايقىن باسىمدىلىق كورسەتتى.
ەكىنشىسىندە قارسىلاسىنا ەسە جىبەردى - 5:7.

ءۇشىنشى، شەشۋشى سەتتە سكاتوۆ تاعى دا ويىن تىزگىنىن ءوز قولىنا الدى - 6:1.

ەكى ساعات 47 مينۋتقا سوزىلعان تارتىستى باسەكە بارىسىندا ت.سكاتوۆ ەيس جاساعانىمەن، 18 برەيك-پوينتتىڭ جەتەۋىن پايدالانا ءبىلدى. ف.پاسسارو 1 ەيس، 3 برەيكپەن (10 برەيك-پوينت) كوزگە ءتۇستى.
ت.سكاتوۆ جارتىلاي فينالعا شىعۋ ءۇشىن الەمنىڭ 165-راكەتكاسى، فرانسيالىق بەنۋا پەرمەن تالاسادى. ول ەكىنشى اينالىمدا دۇنيەجۇزىلىك رەيتينگتە 331-ورىندا تۇرعان يتاليالىق دجانماركو ءمورونيدى جولدان تايدىردى. ەسەپ 6:4، 4:3 بولىپ، پەر جەڭىپ جاتقان كەزدە موروني ماچتى جالعاستىرۋدان باس تارتتى.

ەسكە سالا كەتەيىك، بۇدان بۇرىن قازاقستاندىق ليسسابون ءتۋرنيرىن جەڭىسپەن باستاعانىن جازعان بولاتىنبىز.

قازاقستاندىق تەننيسشىلەر بولگارياداعى جارىستىڭ شيرەك فينالىنا شىقتى.
سونداي-اق قازاقستاندىق تەننيسشى يتالياداعى ءتۋرنيردىڭ شيرەك فينالىنا ءوتتى.

بەيبىت جۋكايەۆ Astana Open ATP 500 تۋرنيرىندە ونەر كورسەتكىسى كەلەدى.