الەكساندر نەدوۆەسوۆ شيرەك فينالعا شىقتى.
قازاقستاندىق الەكساندر نەدوۆەسوۆ ليون (فرانسيا) ATP 250 ءتۋرنيرىنىڭ جۇپتىق سىنىندا شيرەك فينالعا شىقتى، دەپ حابارلايدى Almaty-akshamy.kz Olympic.kz سىلتەمە جاساپ.
قازاقستاندىق تەننيسشى پاكىستاندىق ايسام-ۋل-حاك كۋرەشيمەن بىرگە باستاپقى كەزدەسۋىن فرانسيالىقتار يۋگو بلانشە – البانو وليۆەتتيمەن وتكىزدى. تارتىستى وتكەن ماچتا قازاقستاندىق-پاكىستاندىق جۇپ 7:6 (7:5)، 7:6 (7:5) ەسەبىمەن جەڭىسكە جەتتى. ءبىر ساعات 45 مينۋتقا سوزىلعان باسەكە بارىسىندا نەدوۆەسوۆ پەن كۋرەشي 7 ەيس جاساپ، 7 برەيك-پوينتتىڭ بىرەۋىن پايدالاندى. قازاقستان-پاكىستان جۇبى جارتىلاي فينالعا شىعۋ ءۇشىن وسى دودانىڭ 3-راكەتكالارى، بەلگيالىقتار ساندەر جيللە – يوران فليگەنمەن كەزدەسەدى.