قازاقستاندىق تەننيسشى ەلەنا رىباكينا ايگىلى «ۋيمبلدون» حالىقارالىق ءتۋرنيرىنىڭ جارتىلاي فينالىنا شىقتى.
وتانداسىمىزدىڭ جارىس جولىنداعى كەزەكتى قارسىلاسى اۆستراليالىق ايليا تومليانوۆيچ بولاتىن. ويىندى قارقىندى باستاعان تومليانوۆيچ العاشقى سەتتە 6:4 ەسەبىمەن باسىم ءتۇسىپ، رىباكينانى تىعىرىققا تىرەدى. ەسە جىبەرگەننەن كەيىن تەز ەس جيعان قازاقستاندىق تەننيسشى ەكىنشى كەزەڭدى 6:2 ەسەبىمەن ءوز پايداسىنا اياقتادى، دەپ حابارلايدى Almaty-akshamy.kz
شەشۋشى، ءۇشىنشى، سەتتە قاتارىنان 3 گەيمدى العان ەلەنا سوڭىنا دەيىن جەڭىستى ۋىسىنان شىعارمادى. قورىتىندى ناتيجە 2:1. وسىلايشا جۇلدىزى جانعان رىباكينا 145 جىلدىق تاريحى بار الەمدەگى ەڭ بەدەلدى تەننيس دوداسىنىڭ جارتىلاي فينالىنا شىقتى. ەندى ول بۇگىن كەشكىسىن الەمدىك رەيتينگتىڭ 18ء-شى راكەتكاسى سيمونا حالەپپەن بايراقتى باسەكەنىڭ فينالدىق جولداماسىن ساراپقا سالادى.