قازاقستاندىق تەلەجۋرناليست ديليا يبراگيموۆا قايتىس بولدى. ول ۇزاق جىلدار بويى "حابار" جانە كتك تەلەارنالارىندا سپورت جاڭالىقتارىن جۇرگىزىپ كەلگەن، - دەپ حابارلايدى aqshamnews.kz ءتىلشىسى.
مادەنيەت جانە اقپارات مينيسترلىگى بەلگىلى تەلەجۋرناليستىڭ قازاسىنا بايلانىستى تۋعان-تۋىستارىنا، جاقىندارى مەن ارىپتەستەرىنە كوڭىل ايتتى.
"ديليا يبراگيموۆا ۇزاق جىلدار بويى "حابار" جانە "كتك" تەلەارنالارىندا سپورت جاڭالىقتارىن جۇرگىزىپ، قازاقستاندىق سپورت جۋرناليستيكاسىنىڭ ەڭ تانىمال جانە سۇيىكتى تۇلعالارىنىڭ ءبىرى بولدى. وتاندىق جۋرناليستيكانىڭ دامۋىنا وزىندىك زور ۇلەس قوستى. ءوزىنىڭ كاسىبي ءبىلىمى مەن ازاماتتىق ۇستانىمى ارقىلى جاس بۋىنعا ۇلگى بولا بىلگەن ارداقتى جاننىڭ جارقىن بەينەسى تۋعان حالقىنىڭ جادىندا ماڭگى ساقتالادى دەپ سەنەمىز"، - دەلىنگەن حابارلامادا.
بىرنەشە جىل بۇرىن ديلياعا "پروگرەسسيۆ كوپوشاقتى لەيكوەنسەفالوپاتيا" دەگەن دياگنوز قويىلعان ەدى.