قازاقستاندىق سپورتشىلار سۋ سپورتىنان الەم كۋبوگىنىڭ سۋپەرفينالىنا قاتىسىپ جاتىر

ولار گرەكيادا ب ا ق سىناپ جاتىر.

مامىر ايىنىڭ 20-22ء-سى كۇندەرى گرەكيا استاناسى – افي­نادا سۋ سپور­­تىنان ارتىستىك جۇزۋدەن الەم كۋبوگىنىڭ سۋپەرفينالى وتەدى. «سپيروس لۋيس» سۋ سپورتى ورتالىعىندا الەم مىقتىلارى شەبەرلىك باي­قا­ساتىن ۇزدىكتەر قاتارىندا قازاقستان قۇراماسىنىڭ وكىلدەرى دە بار، دەپ حابارلايدى Almaty-akshamy.kz Egemen.kz سىلتەمە جاساپ. 

مادەنيەت جانە سپورت مي­نيستر­­لىگىنە قاراستى سپورتتى دامىتۋ ديرەكسياسىنىڭ مالىمەتى بويىنشا، الەم كۋبوگىندا ەل نامىسىن نارگيزا بولاتوۆا، اي­گەرىم قۇرمانعالييەۆا، كا­رينا ابدۋلينا، كسەنيا ماكا­روۆا، ەتەري كاكۋتيا، اننا پاۆلەسوۆا، يۋليا روگاليەۆا، ۆالەريا ستول­بۋنوۆا، جاكلين ياكيموۆا، ءجانيا جيەنعازى، ارينا پۋشكينا، ياسمين تۇيا­قوۆا، كارينا ماگرۋ­پوۆا، دارينا ۆاليۋللينا، ەدۋارد كيم قور­عايدى. ۇلتتىق قۇراما­نىڭ باس باپكەرى – ءاليا كاريموۆا.

ايتا كەتەيىك، FINA-نىڭ ءار­تىستىك جۇزۋدەن الەمدىك سە­رياسى 4 كەزەڭنەن تۇرادى. ال­عاش­قى جارىس 20 ناۋرىزدا اقش پەن كانادادا ۆيرتۋالدى تۇردە وتسە، 2-كەزەڭنىڭ جارىستارىن فرانسيا استاناسى – پاريج قابىلدادى. ال 3-كەزەڭ 7-8 مامىر كۇندەرى اۋس­ترا­ليادا ۆيرتۋالدى فورماتتا ءوتتى. قازاقستان قۇراماسى بۇل باسە­كەدە ەكى جۇلدەگە قول جەتكىزدى. اتاپ ايتقاندا، قىزدار قۇرماسى كوماندالىق ەركىن باعدارلامادا كانادا (84،8000 بالل) مەن يز­رايلدەن (83،9333 بالل) كەيىن ءۇشىنشى ورىنعا تابان تىرەپ، قولا مەدال جەڭىپ الدى. قۇرامانىڭ «موانا» اني­ماسيالىق فيل­ءمى­ء-نىڭ جەلى­سىمەن دايىنداعان «ۆايانا» باعدارلاماسىنا تورەشىلەر 79،6000 ۇپاي بەردى. ال ەركىن كوم­بينا­سيا ساناتىندا قازاقستان سپورت­شىلارى امەريكالىق كوم­پو­زيتور برايان سەتسەردىڭ «ما­لا­­گەنيا» تۋىندىسىنا بيلەپ، كۇمىس مەدال ولجالادى (79،4667 ۇپاي).

الەم كۋبوگىنىڭ (4-كەزەڭ­ءنىڭ) جالپى جۇلدە قورى – 257 000 اقش دوللارىن قۇرايدى. افينا تورىندە جۇزگىشتەر تاعى 310 مىڭ دوللاردى ساراپقا سالادى.

گرەكيادا وتەتىن باسەكەنىڭ ور­نى ەرەكشە. ويتكەنى 17 ماۋ­سىمدا ماجارستان استاناسى – بۋداپەشتتە سۋ سپورتى ءتۇر­لەرىنەن XIX الەم چەم­پيونا­تىنىڭ شى­مىلدىعى تۇرىلەدى. ياعني الەم ءبىرىنشىلى­گىنە دەيىن ىرىكتەلگەن ەڭ ۇزدىك اتلەتتەر ءجۇزۋ، دايۆينگ، سۋ دوبى، ارتىستىك ءجۇزۋ مەن اشىق اسپان استىندا سۋدا جۇزۋدەن جۇلدەگە تالاسادى. FINA كۇنتىزبەسىندەگى وسى شەشۋشى جارىستا سپورتشىلار بار دايىن­دىعىن پىسىقتاي الادى.