ونىڭ ىشىندە بوكس، دزيۋدو، كاراتە، ۇستەل تەننيسى، جەڭىل اتلەتيكا جانە اتۋ سپورتتارىنىڭ وكىلدەرى مەن وتاندىق سپورت سالاسىنىڭ ماماندارى بار.
توكيو وليمپياداسىنا قاتىساتىن ۇلتتىق قۇرامانىڭ العاشقى بولىگى بۇگىن كەشكە جولعا شىعادى، دەپ حابارلايدى Almaty-akshamy.kz
قازاقستان دەلەگاسياسىنىڭ شەف-دە-ميسسيونى ەلسيار قاناعاتوۆتىڭ ايتۋىنشا، ۇلتتىق قۇرامانىڭ قالعان بولىگى 27 شىلدەدە ۇشادى دەپ جوسپارلانىپ وتىر.
«سپورتشىلارىمىزدى كۇتىپ الىپ، وليمپيادا قالاشىعىنا ورنالاستىرۋعا دايىنبىز. جاڭا تالاپتارعا سايكەس، سپورتشىلارىمىز 14 كۇن بويى كارانتيندىك اۋماقتا بولادى. مەديسينا ماماندارى ءجىتى باقىلايدى. بۇنىڭ بارلىعى دايىندىقتىڭ سوڭعى كەزەڭىنە اسەر ەتپەيدى دەگەن ۇمىتتەمىز. توكيودا ولارعا بارىنشا جايلى جاعداي جاسالعان. جاتاتىن جەرلەرىن، تاماقتاناتىن ورىندارى جانە جاتتىعۋ جاسايتىن زالدارىن تەكسەردىك. دەڭگەيى الدىڭعى وليمپيادالاردان اسىپ تۇسپەسە، كەم ەمەس»، – دەدى ەلسيار قاناعاتوۆ.