جەكە رەيتينگتە ۇلدار ءبىرىنشى ورىندى، قىزدار سەگىزىنشى ورىندى يەلەندى.
قازاقستان اۋىر اتلەتيكادان ازيا چەمپيوناتىندا 47 مەدال جەڭىپ الدى، دەپ حابارلايدى Almaty-akshamy.kz Olympic.kz سىلتەمە جاساپ.
اۋىر اتلەتيكا فەدەراسياسىنىڭ باسپا ءسوز قىزمەتى حابارلاعانداي، تاشكەنتتە 17 جاسقا دەيىنگى جاسوسپىرىمدەر مەن 20 جاسقا دەيىنگى جاستار اراسىنداعى ازيا چەمپيوناتى اياقتالدى.
«جارىسقا قازاقستان قۇراماسىنان 22 سپورتشى – 13 بوزبالا مەن 9 قىز قاتىستى. جارىس قورىتىندىسى بويىنشا، سپورتشىلارىمىز 47 مەدال جەڭىپ الدى، ونىڭ ىشىندە 10 التىن، 23 كۇمىس جانە 14 قولا بار»، - دەلىنگەن حابارلامادا.
17 جاسقا دەيىنگى جاسوسپىرىمدەر اراسىنداعى مەدالدىق ەسەپتە قازاقستان قۇراماسى ءۇشىنشى ورىن الدى. جەكە رەيتينگتە ۇلدار ءبىرىنشى ورىندى، قىزدار سەگىزىنشى ورىندى يەلەندى.
جاسوسپىرىمدەر مەن 20 جاسقا دەيىنگى جاستار اراسىنداعى جالپى كاتەگوريادا قازاقستان قۇراماسى ازيا قۇرلىعىندا ون ءبىرىنشى ورىنعا تابان تىرەدى.