قازاقستاندىق قىلمىسكەرلەر شەتەلدە قولعا ءتۇستى

بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك بريفينگ بارىسىندا ايتتى، دەپ حابارلايدى Almaty-akshamy.kz 

«جەدەل ىزدەستىرۋ ءىس-شارالارى بارىسىندا ق ر ءىىم ينتەرپول ۇلتتىق ورتالىق بيۋروسىنىڭ قىزمەتكەرلەرى شەتەلدىك ارىپتەستەرىمەن بىرلەسىپ وتكەن اپتادا شەتەل مەملەكەتتەرىنىڭ اۋماعىندا حالىقارالىق ىزدەۋدە جۇرگەن ءبىرقاتار قىلمىسكەرلەردى ۇستادى. ماسەلەن، گەرمانيانىڭ ۋنتەرشلەيسحايم قالاسىندا استانالىق پوليسيا دەپارتامەنتى Telegram ارقىلى پسيحوتروپتىق زاتتاردى ساتقانى ءۇشىن ىزدەۋدە جۇرگەن 22 جاستاعى قازاقستاندىقتى ۇستادى. رەسەيدىڭ ۆلاديۆوستوك قالاسىندا شىمكەنتتە ءىرى كولەمدە الاياقتىق جاساعانى ءۇشىن ىزدەۋدە جۇرگەن 36 جاستاعى ەلىمىزدىڭ ازاماتى ۇستالدى»، - دەدى مينيسترلىك وكىلى.

سونداي-اق، ونىڭ ايتۋىنشا، يسپانيادا «Questra Holdings، Questra World، Atlantic Global Asset» ج ش س قارجىلىق پيراميداسىن قۇرىپ، ونى باسقارعان رەسەي فەدەراسياسىنىڭ 35 جاستاعى ازاماتى ۇستالدى. چەحيا استاناسى پراگادا اسا ءىرى كولەمدە الاياقتىق جاساعان «ازيا اۆتو – بيپەك اۆتو» كومپانيالار توبىنىڭ جەتەكشىلەرىنىڭ ءبىرى ۇستالدى.

قازىرگى ۋاقىتتا بارلىق ايىپتالۋشىلار قاماۋدا، ولاردى قازاقستانعا ەكستراديسيالاۋ ماسەلەسى شەشىلۋدە.