الدىن الۋ جۇمىستارىنا 17 943 ۆولونتەر تارتىلدى.
16 قىركۇيەكتە قازاقستاندىق قۇتقارۋشىلار شومىلۋ ماۋسىمىندا جاساعان جۇمىسىنىڭ قورىتىندىسىن شىعاردى، دەپ حابارلايدى Almaty-akshamy.kz.
«ادامداردىڭ سۋداعى قاۋىپسىزدىگىن قامتاماسىز ەتۋ ماقساتىندا تجم بارلىق دەڭگەيدەگى ورتالىق جانە جەرگىلىكتى اتقارۋشى ورگاندارمەن ءوزارا ءىس-قيمىل جاساي وتىرىپ، سۋدا توتەنشە جاعدايلاردىڭ تۋىنداۋ ءقاۋپىن ازايتۋ بويىنشا ۇيىمداستىرۋشىلىق جانە پراكتيكالىق ءىس-شارالار كەشەنىن الدىن الا باستادى جانە ۇزدىكسىز وتكىزىلدى»، – دەلىنگەن توتەنشە جاعدايلار مينيسترلىگىنىڭ باسپا ءسوز قىزمەتىنىڭ حابارلاماسىندا.
تجم كۇشتەرى ىىم-مەن، جەرگىلىكتى اتقارۋشى ورگاندارمەن جانە ۆولونتەرلەرمەن بىرلەسىپ 76 649 رەيد جانە پاترۋلدەۋ جۇرگىزدى، اقبك-نىڭ 440-بابى «قوعامدىق ورىنداردا بولۋ قاعيدالارىن بۇزۋ» بويىنشا 4 788 ادام اكىمشىلىك جاۋاپكەرشىلىككە تارتىلدى، سونداي-اق اقبك-نىڭ 364-بابى بويىنشا («ورتاق سۋ پايدالانۋ قاعيدالارىن بۇزۋ») 5 781 ادامعا ەسكەرتۋ جاسالدى جانە 172 ادامعا ايىپپۇل سالىندى.
مامانداردىڭ ايتۋىنشا، بيىل سۋ ايدىندارىندا ادام ءولىمىنىڭ الدىن الۋدىڭ جاڭا ادىستەرى قولدانىلدى. اۆياسيالىق جانە تەمىرجول كولىگىنىڭ مۋلتيمەديالىق جابدىقتارى سۋ ايدىندارىنداعى قاۋىپسىزدىك ەرەجەلەرىن ساقتاۋ بويىنشا ۇگىت-ناسيحات ونىمدەرىن تاراتۋ ءۇشىن پايدالانىلدى.
«2GIS» كارتوگرافيالىق پلاتفورماسىندا ەلىمىزدىڭ بارلىق وڭىرلەرىندە سۋ ايدىندارىندا شومىلۋعا تىيىم سالىنعان جانە رۇقسات ەتىلگەن ورىنداردىڭ دەرەكتەرى ورنالاستىرىلعان.
ادامداردىڭ ءقاۋىپسىز ءجۇرىس-تۇرىس مادەنيەتىن قالىپتاستىرۋ ماقساتىندا قۋشىلارمەن 1 129 ينتەراكتيۆتى ساباق جانە حالىقپەن 5 507 جيىن وتكىزىلدى.
«تجم جانە مەملەكەتتىك ورگاندار قابىلداپ جاتقان شارالارعا قاراماستان، شومىلۋ ماۋسىمى كەزەڭىندە سۋ ايدىندارىندا قاراپايىم قاۋىپسىزدىك ەرەجەلەرىن ساقتاماعاندىقتان 319 ادام، ونىڭ ىشىندە 95 كامەلەتكە تولماعاندار سۋعا كەتتى.سۋ ايدىندارىندا بالالاردىڭ قازا بولۋ جاعدايلارىنىڭ 82%-ىندا بالالار اتا-انالارىنىڭ قاراۋىنسىز بولدى»، – دەلىنگەن مينيسترلىك حابارلاماسىندا.
سۋعا شومىلۋ ماۋسىمىنىڭ اياقتالۋىنا قاراماستان، قۇتقارۋشىلار سۋ ايدىندارىندا ادامداردىڭ ءولىمىنىڭ الدىن الۋ بويىنشا پروفيلاكتيكالىق جۇمىستى جالعاستىرۋدا. ويتكەنى كۇزگى كەزەڭنىڭ باستالۋىمەن اڭ اۋلاۋ جانە بالىق اۋلاۋ ماۋسىمى باستالادى.
تجم سۋداعى قاۋىپسىزدىك قاعيدالارىن ساقتاۋعا كەڭەس بەرەدى.