22-31 شىلدە كۇندەرى نيدەرلاندتا بۇكىلالەمدىك پوليسيا جانە ءورت سوندىرۋشىلەر ويىندارى ءوتىپ جاتىر. ون كۇن بويى روتتەردام پورت قالاسى ءىرى جانە بىرەگەي حالىقارالىق سپورت جارىستارىنىڭ ساحناسىنا اينالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
بيىل بۇكىلالەمدىك پوليسيا جانە ءورت سوندىرۋشىلەر ويىندارىنا 70 ەلدەن 10 مىڭنان استام ادام قاتىسۋدا. ونىڭ ىشىندە قازاقستان وكىلدەرى دە بار. قاتىسۋشىلار سپورتتىڭ 63 تۇرىنەن، سونىڭ ىشىندە بوكس، كروسسفيت، جەڭىل اتلەتيكا، سۋ دوبى، كايتسەرفينگ جانە «ۇزدىك ءورت ءسوندىرۋشى» نوميناسياسىندا ب ا ق سىناپ جاتىر.
ويىن ۇيىمداستىرۋشىلارىنىڭ پىكىرىنشە، بۇل جارىس ءارتۇرلى ەلدەردىڭ شۇعىل ارەكەت ەتۋ قىزمەتكەرلەرى اراسىندا بايلانىس ورناتۋدىڭ جاقسى قۇرالى بولماق. سونىمەن قاتار ويىنداردىڭ ماقساتى – قىزمەتكەرلەردىڭ سپورتتىق شەبەرلىگىن ىنتالاندىرۋ، كەز كەلگەن ۋاقىتتا بىزگە كومەكتەسۋگە دايىن تۇراتىن بارلىق توتەنشە جاعدايلار قىزمەتكەرىنە قۇرمەت كورسەتۋ.
بۇكىلالەمدىك پوليسيا جانە ءورت سوندىرۋشىلەر ويىندارى (World Police and Fire Games، WPFG) 1985 جىلدان باستاپ وتكىزىلىپ كەلەدى. بۇل جارىسقا جۇمىس ىستەپ جۇرگەن جانە وتستاۆكاداعى پوليسەيلەر مەن ءورت سوندىرۋشىلەر قاتىسادى.
روتتەردام قالاسىندا بوكستان وتكەن جارىستا ساكەن قۇسايىنوۆ 86 كەلىگە دەيىنگى سالماقتا ەكىنشى ورىن الدى. 34 جاستاعى وتانداسىمىز – سەمەي قالاسىنىڭ تۋماسى. ول – بوكستان 2004، 2005 جىلدارداعى قازاقستان چەمپيونى، 2006 جىلى باكۋدەگى حالىقارالىق ءتۋرنيردىڭ جانە 2005 جىلعى ق ر پرەزيدەنتى كۋبوگىنىڭ جۇلدەگەرى.