قازاقستاندا 2025 جىلدىڭ باسىنان باستاپ پويىزداردا ينتەرنەت پايدا بولادى، دەپ حابارلايدى aqshamnews.kz
سيفرلىق دامۋ ۆيسە-مينيسترى روستيسلاۆ كونياشكين وتكەن جىلى رەسپۋبليكالىق جولدار بويىنداعى "اق داقتار" بويىنشا تالداۋ جۇرگىزىلگەنىن جانە 243 ورىن انىقتالعانىن مالىمدەدى. بۇل جەرلەردە قوسىمشا انتەننالاردى ورناتۋ قاجەت ەكەنى بەلگىلى بولدى.
2025 جىلى رەسپۋبليكالىق جولداردا "اق داقتار" ماسەلەسى شەشىلەدى، ال جەرگىلىكتى جولدار بويىنشا تالداۋ جۇمىستارى باستالادى.
ۆيسە-مينيستر سونىمەن قاتار ەڭ ءتيىمدى ينتەرنەت ءتۇرى رەتىندە تومەن وربيتالىق سپۋتنيكتەردى اتادى. بۇل سپۋتنيكتەردىڭ وربيتا بيىكتىگى 160-2000 كم ارالىعىندا بولادى.