مينيستر تەحنيكالىق جانە كاسىپتىك ءبىلىم بەرۋ بويىنشا كادرلىق الەۋەتتى ارتتىرۋ ماسەلەسىنە جەكە توقتالدى.
عاني بەيسەمبايەۆتىڭ ايتۋىنشا، جۇيەنى تابىستى ترانسفورماسيالاۋ ءۇشىن مەنەدجمەنتتى ءتيىمدى قۇرۋ قاجەت. «ءبىلىم بەرۋدەگى وزگەرىستەردىڭ 1000 كوشباسشىسى» جوباسى اياسىندا ەڭ ۇزدىك حالىقارالىق تاجىريبەلەر ۇلگىسىندە بىلىكتى باسقارۋشىلاردىڭ كادرلىق رەزەرۆى قالىپتاستىرىلۋدا، دەپ حابارلايدى aqshamnews.kz سالا مينيسترلىگىنە سىلتەمە جاساپ.
«تەحنيكالىق جانە كاسىپتىك ءبىلىم بەرۋدەگى باستى مىندەتتەردىڭ ءبىرى - پەداگوگيكالىق كادرلاردىڭ الەۋەتىن ارتتىرۋ بولىپ تابىلادى. مينيسترلىك كوللەدج پەداگوگتەرىنىڭ وندىرىستەر بازاسىندا تاعىلىمدامادان ءوتۋى بويىنشا كەلىسىمگە قول جەتكىزدى. سونداي-اق پەداگوگتەردىڭ شەبەرلىگى مەن بىلىكتىلىگىن كوتەرۋ، ونىڭ ىشىندە حالىقارالىق ستاندارتتار، وندىرىستەن مامانداردى تارتۋ جانە تالىمگەرلىك ينستيتۋتىن دامىتۋ بويىنشا جۇمىستار جۇرگىزىلۋدە»، - دەپ قورىتىندىلادى مينيستر.
ەستەرىڭىزگە سالا كەتەيىك، بۇعان دەيىن وقۋ-اعارتۋ مينيسترلىگى ستۋدەنتتەر مەن پەداگوگتەردىڭ جۇڭگو، گەرمانيا، يتاليا، تۇركيادان تاجىريبە مەن تاعىلىمدامادان ءوتۋى بويىنشا جۇمىس جۇرگىزگەن بولاتىن. سونىمەن قاتار قازاقستاندىق كوللەدجدەر ستۋدەنتتەر مەن پەداگوگتەردىڭ اكادەميالىق موبيلدىلىگىن كەڭەيتۋ ارقىلى حالىقارالىق ىنتىماقتاستىقتى دامىتۋدا.