شىعىسقازاقستاندىق ءورت ءسوندىرۋشى يتاليادا وتكەن كيكبوكسينگتەن الەم چەمپيوناتىندا قولا جۇلدەگەر اتاندى
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ازاماتتىق قورعاۋ اعا سەرجانتى بەرىك قالىقوۆ سەمەي قالاسىنداعى №40 ءورت ءسوندىرۋ بولىمىندە جۇرگىزۋشى بولىپ جۇمىس ىستەيدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«26 جاستاعى ءورت ءسوندىرۋشى ۇنەمى سپورتپەن اينالىسىپ كەلەدى. 15-24 قازان ارالىعىندا يتاليادا كيكبوكسينگتەن وتكەن الەم چەمپيوناتىندا ونەر كورسەتىپ كەلدى. جارىسقا 65 ەلدەن 1600 سپورتشى قاتىستى. بەرىك قالىقوۆ قازاقستان نامىسىن قورعاپ، قولا جۇلدەگەر اتاندى»، - دەپ حابارلادى ۆەدومستۆو وكىلدەرى.
ول توتەنشە جاعدايلار جۇيەسىندە 2016 جىلدان باستاپ قىزمەت ەتەدى. سول ۋاقىتتان بەرى 13 ءورتتى ءسوندىرىپ، 20 ادامدى قۇتقارعان.