قازاقستاندىق وقۋشىلار سينگاپۋرعا ەڭ اۋقىمدى ءارى بەدەلدى FIRST GLOBAL CHALLENGE روبوتوتەحنيكا وليمپياداسىنا قاتىسۋدا. بيىل بايقاۋعا الەم بويىنشا 190-نان استام ەل قاتىسۋدا، دەپ حابارلايدى almaty-akshamy.kz
«ۇلتتىق كەزەڭنەن كەيىنگى ءبىر ايدىڭ ىشىندە وقۋشىلار روبوتتارىن قايتا جەتىلدىرىپ، كوپتەگەن فۋنكسيالارىن جاڭارتتى. ءبىز بارشا قازاقستاندىقتاردى ونلاين-ترانسلياسيانى كورۋگە جانە جاڭاشىل جاستاردى قولداۋعا شاقىرامىز»، - دەدى USTEM FOUNDATION قورىنىڭ نەگىزىن قالاۋشى نۇرداۋلەت دوسماعامبەت.
جارىس 7، 8، 9 جانە 10 قازان ارالىعىندا وتەدى، ول ءۇش كۇنگە سوزىلادى. بيىلعى تاقىرىپ سۋتەگىنىڭ وتىندىق مۇمكىندىگى اياسىندا وتەدى، وقۋشىلار يميتاسيالىق ويىن الاڭىندا سۋتەگى مەن وتتەگى اتومدارىن سۇرىپتاي الاتىن روبوتتاردى قۇراستىرۋدا.
ەسكە سالايىق، قىركۇيەك ايىندا ەلوردادا وتكەن جارىستىڭ رەسپۋبليكالىق كەزەڭىنە قازاقستاننىڭ تۇكپىر-تۇكپىرىنەن كەلگەن 200-دەن استام بالا، سونداي-اق موڭعوليا مەن وزبەكستاننان كەلگەن حالىقارالىق كوماندالار قاتىسقان بولاتىن.