قازاقستاندىق وقۋشىلار JBMO-2024 ماتەماتيكادان حالىقارالىق جاسوسپىرىمدەر بالقان وليمپياداسىنا قاتىسادى. بيىل وليمپيادا 25-30 ماۋسىم ارالىعىندا انتاليا قالاسىندا وتەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
ەلىمىزدىڭ ۇلتتىق كومانداسىندا التى جاس ماتەماتيك بار، ولاردىڭ بارلىعى 2024 جىلعى رەسپۋبليكالىق وليمپيادانىڭ جەڭىمپازدارى مەن جۇلدەگەرلەرى.
- ءالي ەركەبۇلان ۇلى — الماتى قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ 9-سىنىپ وقۋشىسى؛
- بەردىبەك ورىنباسار — اتىراۋ وبلىستىق №1 «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى؛
- ارنۇر انساتوۆ — قىزىلوردا وبلىستىق №9 دارىندى بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى؛
- ءسۇلتانالي الياسقار — استانا قالاسىنداعى دارىندى ۇلدارعا ارنالعان «ءبىلىم-يننوۆاسيا» ليسەي-ينتەرناتىنىڭ 8-سىنىپ وقۋشىسى؛
- اسقار مۇحتار ۇلى — قىزىلوردا وبلىستىق №9 دارىندى بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 9-سىنىپ وقۋشىسى؛
- ەريك ليم — الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 9-سىنىپ وقۋشىسى.
قۇراما كوماندانىڭ جەتەكشىسى:
انتون نيكولايەۆيچ ۆاسيليەۆ — ف.-م.ع.ك.، م.ۆ.لومونوسوۆ اتىنداعى ممۋ قازاقستاندىق فيليالىنىڭ ىرگەلى جانە قولدانبالى ماتەماتيكا كافەدراسىنىڭ دوسەنتى.
انىقتاما ءۇشىن: ماتەماتيكادان حالىقارالىق جاسوسپىرىمدەر بالقان وليمپياداسى (JBMO) - بالقان تۇبەگى ەلدەرىنىڭ وقۋشىلارىنا ارنالعان بايقاۋ. قازاقستان وليمپياداعا قوناق ەل رەتىندە قاتىسادى.