يراننىڭ يسفاحان قالاسىندا وتكەن فيزيكا ءپانى بويىنشا حالىقارالىق وليمپيادا (IPHO-2024) ءوز مارەسىنە جەتتى.
قازاقستان قۇراما كومانداسى ءتورت كۇمىس جانە ءبىر قولا مەدال يەلەنىپ، 100 % كورسەتكىشكە قول جەتكىزدى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
🥈مارعۇلان نۇرساعاتوۆ - الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 11-سىنىپ وقۋشىسى؛
🥈دوسجان بيسيمبي – الماتى قالاسىنداعى «ميراس» حالىقارالىق مەكتەبىنىڭ 12-سىنىپ وقۋشىسى؛
🥈ارتۋر كيم - اقتوبە وبلىستىق دارىندى جاسوسپىرىمدەرگە ارنالعان مامانداندىرىلعان «ءبىلىم-يننوۆاسيا» ليسەي-ينتەرناتىنىڭ 11-سىنىپ وقۋشىسى؛
🥈ءامىر پشەنبايەۆ - استانا قالاسى دارىندى ەر بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 11-سىنىپ وقۋشىسى؛
🥉يلياس قازىمبەك - استانا قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 9-سىنىپ وقۋشىسى.
قۇراما كوماندانىڭ جەتەكشىلەرى - سامات ماقسۇتوۆ - PhD دوكتورى، SDU University دوسەنتى؛
نازارالي ايتدجانوۆ - SDU University فيزيكا ءپانى ءمۇعالىمى.
قازاقستان قۇراماسىن، مەكتەپ ۇجىمدارى مەن اتا-انالاردى ايتۋلى جەڭىسپەن قۇتتىقتايمىز!