اقىلدى كوزىلدىرىك ءتورت ءتۇرلى فۋنكسيا اتقارادى.
وسىنىڭ ارقاسىندا وقۋشى الەمنىڭ كەز كەلگەن ۋنيۆەرسيتەتىندە تەگىن وقۋعا مۇمكىندىك الدى، دەپ حابارلايدى aqshamnews.kz
اتىراۋ «ءبىلىم-يننوۆاسيا» ليسەيىنىڭ 11-سىنىپ وقۋشىلارى حايدار اتاعۇللا مەن قايىرحان لۇقپانوۆ ويلاپ تاپقان «اقىلدى كوزىلدىرىك» باعدارلاماسى الەمنىڭ ۇزدىك 100 جوباسىنىڭ قاتارىنا ەندى.
«اقىلدى كوزىلدىرىك» Jasscience-2024 بايقاۋىنان 1-ورىن يەلەندى جانە دۇنيەجۇزىندەگى ەڭ بەدەلدى باعدارلامانىڭ ءبىرى 100 Rise Global Winners 2024 تىزىمىنە ەندى. سونىڭ ناتيجەسىندە جوبا اۆتورلارىنىڭ ءبىرى حايدار اتاعۇللا الەمنىڭ كەز كەلگەن ۋنيۆەرسيتەتىندە تەگىن وقۋعا مۇمكىندىك الدى.
«كوزىلدىرىك RikaAI جاساندى ينتەللەكتىسى ارقىلى جۇمىس ىستەيدى. RikaAI - بۇل ءينتۋيتيۆتى باعدارلاما، جاي عانا ساۋساقپەن باسۋ ارقىلى ىسكە قوسىلادى. پايدالانۋشىلارعا قۇلاققاپ ارقىلى داۋىستىق كوماندا بەرىپ، ءوزارا ارەكەت جاساۋعا مۇمكىندىك بەرەدى. ماتەريالىن 3د پرينتەرمەن جاسادىق. كامەرا، قۇلاققاپ پەن ميكروفوندى شەتەلدەن تاپسىرىسپەن الدىرتتىق»، – دەدى ح.اتاعۇللا.
كوزىلدىرىك ءتورت ءتۇرلى فۋنكسيا اتقارادى.
«ءبىرىنشىسى ءبىز بىلەتىن سhatGPT، wikipedia سەكىلدى كەز كەلگەن سۇراققا جاۋاپ بەرەدى. ەكىنشىسى ءماتىندى سكانەرلەپ، وقيدى. ۇشىنشىدەن، جول بويىنداعى كەدەرگىلەر تۋرالى مالىمەتتەردى ايتادى. بۇل فۋنكسيا كوزى ناشار كورەتىن ازاماتتاردىڭ قاۋىپسىزدىگىن قامتاماسىز ەتەدى. تورتىنشىدەن، نىسانعا كىرگەندە ونداعى وقيعالاردى بايانداپ بەرەدى. الداعى ۋاقىتتا ونىڭ فۋنكسيالارىن كوبەيتىپ، دامىتقىمىز كەلەدى»، – دەدى ق.لۇقپانوۆ.