ايتارلىقتاي قىسىم بولا قويماس.
ۇلتتىق ەكونوميكا ءمينيسترى الىبەك قۋانتىروۆ ەلىمىزگە اعىلعان كورشى ەلدەردىڭ ازاماتتارى قاي سالالاردا جۇمىس ىستەي الاتىندىعىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەنىڭشە، ايتارلىقتاي قىسىم بولا قويماس. ويتكەنى، قازاقستان زاڭناماسىنا سايكەس، جۇمىس ورىندارى ءبىرىنشى كەزەكتە ەكونوميكامىز ءۇشىن قۇرىلادى. ارينە، شەتەلدىكتەردىڭ بەلگىلى ءبىر دەڭگەيدە كەلۋى بولادى. ول بارلىق ۋاقىتتا دا بولعان. قازاقستاندىقتار اراسىندا سۇرانىس بولماعاندىقتان، گاستەربايتەرلەر كەلىپ ىستەيتىن جۇمىس ورىندارى بار»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، اتالعان جۇمىستاردى وزگە ەلدەردەن كەلەتىن ازاماتتار ىستەي الادى.
«قازاقستاندىقتار ىستەگىسى كەلمەيتىن ماۋسىمدىق جۇمىستار، ماسەلەن، قۇرىلىس جۇمىستارى دا جەتكىلىكتى. گاستەربايتەرلەر قاي جەرلەردە جۇمىس ىستەيتىنىن بىلەمىز جانە ولار سول جەرلەردە ىستەي الادى. ارينە، ءبىرىنشى كەزەكتە ءبىز قازاقستان ازاماتتارىن جۇمىسقا ورنالاستىرۋدى ويلايمىز. ال قالعانىنىڭ ءبارى ەكىنشى ساتىداعى ماسەلەلەر»، - دەدى الىبەك قۋانتىروۆ.