ولار مۇقتاج اتا-انالارعا بالالارىن مەكتەپكە دايىنداۋعا كومەكتەستى.
«قايىرىمدى ىستەر مارافونى» جالپىۇلتتىق جوباسى جالعاسىن تاۋىپ، قازاقستاندىق مەسەناتتار مۇقتاج اتا-انالارعا كومەكتەستى، دەپ حابارلايدى Almaty-akshamy.kz.
مەسەناتتار كوپ بالالى جانە از قامتىلعان وتباسى بالالارىنا مەكتەپكە كەرەك قۇرال-جابدىق، كيىم-كەشەك الىپ بەرگەن. شارانى ۇيىمداستىرۋشىلاردىڭ ايتۋىنشا، جۇزدەن استام بالا شامامەن 1 ملن تەڭگە سومادا اتاۋلى كومەك الدى.
«اكسيانىڭ ماقساتى بارلىق قاجەتتى زاتتاردى – كيىم-كەشەكتى، ريۋكزاكتى، كەڭسە تاۋارلارىن جانە باسقا قاجەتتىلىكتەرگە بەلگىلى ءبىر سومانى جيناۋ جانە ونى جاعدايى قيىن، تۇرمىستىق جاعدايى تومەن وتباسىندا ءوسىپ جاتقان بالالارعا ۇسىنۋ بولدى. بيىلعى جىلى بالالارعا ارنالعان جاڭا وقۋ جىلى وففلاين رەجيمدە وتەدى، سوندىقتان الەۋمەتتىك سەبەپتەر بويىنشا بالالاردىڭ مەكتەپكە كەلمەۋىنىڭ الدىن الۋ ماقساتىندا ءبىز كۇزگى جاقسىلىق كۇنىن مەرەكەلەۋ اياسىندا اكسياعا باستاماشى بولدىق»، - دەدى قازاقستاننىڭ ىسكەر ايەلدەر قاۋىمداستىعىنىڭ پرەزيدەنتى راۋشان سارسەمبايەۆا.
«قايىرىمدى ىستەر مارافونى» جالپىۇلتتىق جوباسى وسى جىلدىڭ اقپان ايىندا مەملەكەت باسشىسى قاسىم-جومارت توقايەۆتىڭ باستاماسىمەن قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا باستالعان بولاتىن. جوبا ق ر اقپارات جانە قوعامدىق دامۋ مينيسترلىگىنىڭ جانە ازاماتتىق باستامالاردى قولداۋ ورتالىعىنىڭ مۇرىندىق بولۋىمەن جۇزەگە اسىرىلۋدا.
