پيلوتتىق جوبا اياسىندا
قازاقستاندىق ماماندار پيلوتتىق جوبا اياسىندا مۇگەدەكتىك توبىن بەلگىلەۋ ءۇشىن مەديسينالىق-الەۋمەتتىك ساراپتامانى سىرتتاي جۇرگىزدى، دەپ حابارلايدى Almaty-akshamy.kz.
مۇگەدەكتىك توبىن بەلگىلەۋ ءۇشىن مەديسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا پيلوتتىق جوبا اياسىندا قازاقستاننىڭ بارلىق وڭىرىنەن 18،8 مىڭنان استام ءوتىنىم قارالدى. قازىرگى ۋاقىتتا جوباعا 589 مەديسينالىق ۇيىم قوسىلعان.
«پيلوتتىق جوبا ارقىلى 2022 جىلى مۇگەدەكتىكتى بەلگىلەۋ بويىنشا سىرتتاي قىزمەت كورسەتۋدى 20%-عا دەيىن جەتكىزۋ جوسپارلانعان. ال ءقازىر بۇل كورسەتكىشكە قول جەتكىزىلدى، ياعني مۇگەدەكتىگى بار ادامداردان 18،8 مىڭنان استام ءوتىنىم كەلىپ ءتۇستى، بۇل كۋالاندىرىلعان ادامداردىڭ جالپى سانىنىڭ 20،2%-ى. بۇگىندە ءبىز وسى قىزمەتتى پرواكتيۆتى تۇردە العان تۇلعالار سانىن ارتتىرۋ بويىنشا جۇمىستى جالعاستىرىپ جاتىرمىز»، – دەپ حابارلادى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.
بۇعان دەيىن حابارلانعانداي، ۇلتتىق قوعامدىق سەنىم كەڭەسىنىڭ VI وتىرىسىندا مەملەكەت باسشىسى ەرەكشە قاجەتتىلىكتەرى بار ادامدار ءۇشىن بارىنشا قولايلى جاعداي جاساۋدى، ولاردى قاعازباستىلىقتان ارىلتۋدى، ينستانسيالار بويىنشا ءجۇرۋىن جانە قىزمەت كورسەتۋشىلەردىڭ قىزمەت الۋشىلارمەن بايلانىسىن بولدىرماۋدى تاپسىردى.
وسى تاپسىرمانى ىسكە اسىرۋ ءۇشىن ق ر ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىمەن بىرلەسىپ، قازاقستاننىڭ بارلىق 17 وڭىرىندە پيلوتتىق رەجيمدە مەديسينالىق-الەۋمەتتىك ساراپتاما (بۇدان ءارى – ءماس) جۇرگىزۋدىڭ سىرتتاي فورماتى بويىنشا جوبانى ىسكە قوستى.
مۇگەدەكتىك توبىن انىقتاۋ بويىنشا قىزمەت الۋ ءۇشىن ءوتىنىش بەرۋشى تەك تۇرعىلىقتى جەرى بويىنشا ەمحاناعا بارىپ، قاجەتتى تەكسەرۋدەن ءوتۋى قاجەت، قالعان پروسەستەر اقپاراتتىق جۇيەلەردى ينتەگراسيالاۋ ەسەبىنەن ونىڭ قاتىسۋىنسىز وتەدى.
جالپى، سىرتتاي كۋالاندىرۋعا كوشۋ
- اكىمشىلىك جانە بيۋروكراتيالىق كەدەرگىلەردى جويادى؛
- ءماس ساراپتامالىق شەشىمدەرىنىڭ اشىقتىعىن قامتاماسىز ەتەدى؛
- ۇيدەن شىقپاي-اق، مۇگەدەكتىكتى بەلگىلەۋ جانە مۇگەدەكتىگى بار ادامداردى الەۋمەتتىك قورعاۋ شارالارىن ايقىنداۋ بويىنشا قىزمەتتەر الۋعا مۇمكىندىك بەرەدى؛
- كورسەتىلەتىن قىزمەتتى الۋشىنىڭ كورسەتىلەتىن قىزمەتتى بەرۋشىمەن تىكەلەي بايلانىسىن بولدىرمايدى، وسىلايشا سىبايلاس جەمقورلىق تاۋەكەلدەرىن بارىنشا ازايتادى.