پرەزيدەنت قاسىم-جومارت توقايەۆ تمد-نىڭ بەيرەسمي سامميتىنە قاتىسۋ ءۇشىن سانكت-پەتەربۋرگكە كەلگەن وزگە دە مەملەكەتتەر باسشىلارىمەن بىرگە ەرميتاجدى ارالاپ كوردى، - دەپ حابارلايدى Aqshamnews.kz.
مارتەبەلى مەيماندارعا مۋزەيدە ەكسكۋرسيا جۇرگىزىلدى پرەزيدەنتتەر الەكساندر جانە XVIII عاسىرداعى فرانسيا ونەرى زالدارىندا ورنالاسقان تانىمال كورمەلەردى تاماشالادى.
اسىرەسە، «التىن كومبە» بىرەگەي كوللەكسياسىنداعى باعالى مەتالداردان قۇيىلعان ارحەولوگيالىق جادىگەرلەر، تاريحي پيكەت جانە گەرب زالدارىنىڭ ينتەرەرى ەرەكشە قىزىعۋشىلىق تۋدىردى. مەيماندار باي قورى ارقىلى دۇنيە جۇزىنە ءماشھۇر مۋزەيدىڭ باسقا دا ەكسپوزيسيالارىمەن تانىستى.